كلمات شيلة انا من ظروف الزمان المفحمة طلاب ثار - خالد ال بريك
هذا الكبير اللي ما ينظر للمواضيع الصغار
وارث مقاليد الفخر من عوده الله يرحمه
على اخر حدود الصبر وأول حدود الانهيار
ضاع الامل والعزم طاح ولا لقا من يلزمه
محتاج لي رحلة على اول طايرة فاقرب مطار
تطير وتطيّر همومٍ فوق صدري مركمة
اليا استوت من فوق هام السحب فكيت الزرار
مع نافذتها يجذب الراكب مناظر ملهمة
مخططات المدن مثل الجمر في وسط الوجار
في مجلس اللي يعرفون الناس جوده وكرمه
والبرق لا قام يتكاشف من يمين ومن يسار
مثل الوزير اللي يوقع للمراجع بقلمه
تسلي المهموم وتذوقه طعم الانتصار
كنه يشوف اقسى ظروفه فالوطى مستسلمة
مهما يمر الشخص في ضيقة ولحظات انكسار
ما ودك انه يترك شعور الهزيمة يهزمه
أنا من ظروف الزمان المفحمة طلاّب ثار
مير الوعد قدام يا ظروف الزمان المفحمة
من لا نصر نفسه بنفسه ما يصير اله اعتبار
لو طالب برد اعتباره عند قاضي محكمة
من يتكل بالله لو انه بين نار وبين غار
الغار يصبح واديٍ مانوس والنار فحمة
للمجتهد ما فاتت الفرصة ولا فات القطار
يرفع شراعه في مهب الريح ويرز علمه
لو غابوا الغالين عنه وطال وقت الانتظار
يكفيه لو ماله مساند فالقسا الا محزمه
الرجل يتعب في سبيل المرجلة ليل ونهار
ولا الردي محروم منها كلها الله يحرمه
والفخر للي سمعته تغري قصيد الافتخار
الطيب يجري في عروقه مثل ما يجري دمه
شيخٍ بفعله تضرب الامثال في كل الديار
مكارم الاخلاق زادت في وجوده مكرمة
اما يخدم اسمه ليا جات المواقيف الكبار
ولا اسمه اللي في المواقف الكبيرة يخدمه
له مجلسٍ مفتوح يلفونه طويلين العمار
ترحيبته من كثرة ضيوفه ما تفصل من فمه
بدر ابن ماجد بن عميرة عز من فيه استجار
يسولف التاريخ بأمجاده على طول نسمه
ما يعتذر عن لازم اللي يزهمه بإسمه جهار
اليا لبس بشته وسمّى بشر اللي يزهمه
هذا الكبير اللي ما ينظر للمواضيع الصغار
وارث مقاليد الفخر من عوده الله يرحمه
يا جعل يفداه الضعيف اللي مفاهيمه دمار
اللي ما يعرف فرق وادي رم عن واد الرمة
ذوي عميرة خيرة الفرسان لا طار الغبار
ارماحهم وسيوفهم تاكل ظلوع وجمجمة
يوم المعارك حامية فوق الحراير والمهار
سطّر لهم تاريخ نجد الانجد أكبر ملحمة
اهل الوسوم اللي ليا من شافها الخصم استخار
واهل البيوت اللي على الحزم الرفاع مصمصة
بإيمانهم سوو لهم مجدٍ وسيع الانتشار
ينحت على صم الصفى ماهو بخط المرسمة
كلمات شيلة انا من ظروف الزمان المفحمة طلاب ثار
كلمات: عبدالرحمن القوس
أداء: خالد ال بريك