قصيدة الحك يعباس
حيدر السعدكلمات قصيدة الحك يعباس - حيدر السعد
يانايم ع الثرى الحك يعباس
خذوني ميسرة الحك يعباس
الحك خوية يا عباس يا حامي الضعينه
ترضاها الزلم والخيل تتراكض علينه
نتحمل يطكنه السوط ويورم ادينه
بس الخوف من النار لا تحرك عبينه
وين اطفالي اوديهم
ومن النار افر بيهم
حار الرمل يجويهم
خويه وجم طفل فوك الجمر داس
ينايم ع الثرى الحك يعباس
يانايم ع الثرى الحك يعباس
خذوني ميسرة الحك يعباس
المرية الجبيرة شلون يا عباس تنسب
ومن الركض والطيحات حتى الزلمة يتعب
كل عثرة اصيحن اخ يا كفال زينب
حتى برمشي طالع شيب
مو بس راسي شيب
بالخمسين عمر اختك
جنت مدلله ببختك
خوية اعذرني عاتبتك
شمر وحرملة صارولي حراس
ينايم ع الثرى الحك يعباس
يانايم ع الثرى الحك يعباس
خذوني ميسرة الحك يعباس
خوية براسك يهوسون من جابو اليه
صاحو زينب من اليوم صار اسمج سبية
بهذا الموقف اتمنيت تاخذني المنيه
ولا امشي بيسر ع النوك ويجرون بيه
علوية ويشتموني
من ابجي يطكوني
راسك شفته بعيوني
لو طكني الشمر يلتفت الراس
ينايم ع الثرى الحك يعباس
يانايم ع الثرى الحك يعباس
خذوني ميسرة الحك يعباس
اه الشام خوية الشام مو ديرة اهلنه
تلكونه بعصي وحجار اول ما وصلنه
ما رحمونه يا عباس ما بيهم محنه
يابو الغيرة طبت السوك منها شكد فشلنه
تاليها يا والينه
للديوان طبينه
والكل تنظر علينه
جم علوية صارت فرجة للناس
ينايم ع الثرى الحك يعباس
يانايم ع الثرى الحك يعباس
خذوني ميسرة الحك يعباس
كلمات قصيدة الحك يعباس
أداء: الرادود الحاج حيدر السعد
كلمات: الشاعر محمد الجماسي
مكساج وتوزيع: هيثم السعيداوي