كلمات اغنية من السبت للخميس - محمد نور
أنا ولا حيلي بعدك مهدود
ولا عرق الأعصاب مشدود
أنا ماضعفتش بعدك فوق
يا حبيبي أنا قدها وقدود
أنا ولا عيني بتفضي دموع
ولا قلبي تاعبني وموجوع
أنا محزنتش بعدك يوم
دانا بضحك طول الاسبوع
من السبت للخميس
أنا بفرح وادلع واهيص
أنا بفتح للدنيا الهويس
لو يحصل ايه مش فارقالي
من السبت للخميس
أنا بفرح وادلع واهيص
واهو كله تمام والدنيا بيس
وانتَ مابتجيش على بالي
أنا ولا صوتي عليك منبوح
ولا بمشي على علاج لجروح
وحياتي معطلتش عليك
لسا يا قلبي أنا عندي طموح
أنا لا بعاني من قلة نوم
ولا على قلبي هموم بالكوم
أنا ولا روحي بعدك بتروح
لأ ولا عمري هينقص يوم
من السبت للخميس
أنا بفرح وادلع واهيص
أنا بفتح للدنيا الهويس
لو يحصل ايه مش فارقالي
من السبت للخميس
أنا بفرح وادلع واهيص
واهو كله تمام والدنيا بيس
وانتَ مابتجيش على بالي
كلمات أغنية من السبت للخميس
كلمات: مصطفى حدوتة
ألحان: محمد شحاتة
توزيع: إيهاب كولبيكس
مكس وماستر: خالد رؤوف