محمد نور - أهلا وسهلا

كلمات اغنية أهلا وسهلا - محمد نور

اهلا وسهلا بالحبيب الأولاني
اللي فشل في حياته بعدي وجاني تاني
وعشان لاقاني لسا من يومها في مكاني
فكّر هنرجع تاني بالسهل وخلاص

اهلا وسهلا بيك منور ايه اللي جابك
قبل ماتنطق اي كلمه اعمل حسابك
في حاجات كتير اتغيرت فيا في غيابك
أولها حبي ليك لاغيته من الأساس

مستني تيجي في حضني اقولك يالا بينا
ضحّكتني الله يجازيك يابن اللذينه
لما مشيت ضيّعت آخر فرصة لينا
بتحكي ليه في حاجات خلاص منها انتهينا

تترجى حقي كله لما شافت عينيا
لحظة رجوعك ليا من ندمك عليا
الدور عليك دلوقتي تتعبلك شوية
دواره والله الدنيا دي ملهاش كبير

اهلا وسهلا باللي راجع بعد غيبة
بيقولي أسامحه على اللي فات وحاجات غريبة
كان نفسي اسيبك وامشي بس في حقي عيبة
مش معنى دا ان انت تتكلم كثير

كلمات: الأمير عبد الله بن سعد بن عبد العزيز آل سعود
ألحان: محمد النادي
توزيع: جلال الحمداوي
ميكس و ماستر: جلال الحمداوي