كلمات اغنية وجه القمر - خالد ال فروان
البارحه ليلها ماهو بضيفٍ خفيف
لين اقبل النور وأدّا واجبه وانصرف
رسمت وجه المليحه في خيال الكفيف
وابحرت به فالوصوف الين شاف وعرف
فيها طهور النزيه اللي مقامه شريف
ودك تطهّر بدمع عيونها لا ذرف
من شاف وجه القمر في الارض حطه وليف
حتى لو انه على حد الصراط انحرف
مضارب رموشها اللي حدها حد سيف
مكانها الصدر واللي غيرها في الطرف
في مثل هذي العيون اللي هدبها كثيف
تسّلم الروح ويموت الشجاع بشرف
راحت بقلبي مثل ما راح حكم الشريف
مراح غرسٍ جرفه السيل يوم انجرف
وان مال ذاك القوام المنصهر يا لطيف
غصنٍ لا هب النسيم يميل منه طرف
وان مال ذاك القوام المنصهر يا لطيف
غصنٍ لا هب النسيم يميل منه طرف
أطيح طيحة قوي ماهي بطيحة ضعيف
طيحة شجاعٍ هزمه الحب لين اعترف
كلمات أغنية وجه القمر
كلمات : جابر النشيرا
اداء : خالد ال فروان
توزيع ومكس : حازم الابيض