كلمات شيلة من يومها طفلة - سعود الصليلي
كن الالم في داخلي يعزف الناي
من يوم قفّت راح قلبي معاها
مشيت في دربي ولا جات وياي
الله يسمح دربها ويحماها
ماني بقايل مهرتي مالها راي
ولاني بكاسر ظهرها من وراها
نصيبها عمري تبي تاخذ الجاي
ماتدري ان الجاي سبت غثاها
وشلون ابصبر دامها خارج حماي
حبي صداها للآسف من نداها
لاصرت ضامي شوفها شربة الماي
تروي ضما روحي مفاتن حلاها
هي أول احلامي وهي آخر مناي
محدن من العالم يساوي غلاها
من يومها طفله وانا بالاول صباي
داي ودواي وهم روحي وهناها
ماهي جماله لكن بطيب يمناي
كبرتها بيدي وغيري خذاها
شكواي للي رافع السبع شكواي
يالله عونك خاطري ما نساها
لامن ذكرته حزن الايام مركاي
والعين تدمع من شقى ما بلاها
هذا طريق الحب متعبلي اخطاي
والنار تحرق ياعرب من وطاها
من غير مدري لبيتهم دوم مشاي
حرام مايومن خفوقي جفاها
رجواي قبل اروح يالله رجواي
شوف العنود اللي ذبحني هواها
كلمات شيلة من يومها طفلة
أداء وألحان: سعود الصليلي
كلمات: منصور الصليلي