كلمات شيلة ان تبسم ياحلاته - مهند البطحري
ريم الحلا محدن شراته
غر شوب من بين الملايين
فستق ولوز مكسراته
بالكون ما في منه اثنين
في الغيضة سكر نباته
أما الرحامة وارد العين
دكتور يلقي محاضراته
والعلم طالب منه بحثين
وصف الجمال بجامعاته
شرط وضروري للمزاين
وسناب شات بفلتراته
شبّ القصائد دون تلحين
وللريم وجهه كيمراته
حتى المشاهير الميامين
يا غيث مهره ومنجزاته
يزهى بها الغالي الثمين
ان هو تبسّم يا حلاته
تكفين لا ياريم تكفين
ضيّعت دجله من فراته
ونسيت اسمي والعناوين
طير القطا لابس عباته
ترف المحيّا راعي الزين
صعبة تلاقي في صفاته
لو طفت لندن لين برلين
بحر الأنوثة في لغاته
منطق كلامه رقّة ولين
رب العطايا ذي جزاته
للكفو هيبة فوق تمكين
هذي السنافي في بهاته
شيخ المراجل بالميادين
عبداللّه اللي من سماته
حطّ المكارم له نياشين
يسعده ربي في حياته
في كل ساعة ووقتٍ وحين
في كل ساعة ووقتٍ وحين
كلمات شيلة ان تبسم ياحلاته
كلمات : عوض بن سنان
اداء : مهند البطحري