كلمات اغنية يا ماشي في الغربة احمد مشعل

كلمات اغنية يا ماشي في الغربة - احمد مشعل

يهون العمر يهون
ويطول الليل يا امي انا عليا
مضمون في ايه مضمون
نآمن مين في الدنيا
لفيت وسبت البيت
واخدني الموج غمالي أنا عنيا
مالقيت أمان في الغربه واتصديت
وهعمل ايه جتلك وفاض بيا

يا ماشي في الغربه
اجمد ده الطريق عايز جبل واقف
يا ايامي الصعبه
خفي في الحمول حبة بقيت خايف
يا طبيب داويني
غرقان جوه بحر غويط ومش شايف
يمكن خير جاي بكره
وعالم الله أنا عايش ومش عايش

كبرت في لحظه وفي ثانيه
بتشرب قهوة في التانيه
وتسرح في الحيطان حبة
وفاكر انهم جايين
تراقب من ورا شباك
تحن لناس بقت ناسياك
مقضي اليوم وجع وسُكات
ومحسوب فرد ع العايشين
واتاري العمر بيك عدّى
وقلبك جف اهو وصدى
صحيح العمر بيغير
ويطفي اللمعه في الفضه

يا مستني الفرح حيلك
فرح ايه اللي هيجيلك
يوماتي تقوم وتقريبا
خلاص نحست من الخضه

وانا ماشي في الغربه
قابلت كتير وشفت من البشر ألوان
كان ليا انا حبايب
غصبٍ عني كان البُعد والحرمان
قالولي وغارو مني
حسدوني عشان في الغربه فاكرني
حالي بخير وكله تمام
لكن ع اللي فيا انا الله انا يعينّي

كلمات أغنية يا ماشي في الغربة

غناء وكلمات: أحمد مشعل
توزيع: إيكا مزيكا
ميكساج وماسترينغ: إيكا مزيكا