كلمات اغنية كتاب مفتوح - مصطفى كامل
أنا عشت طول عمري معاك كتاب مفتوح
وانا فرحان وانا زعلان وانا مجروح
بلاش تطلعني وحش
وبدل ما صوتك يترعش
قولهالي بكل وضوح
أنا القلب اللي دلوقتي
خلص دوري وخلص وقتي
بقيت شايفني كلي عيوب
أنا القلب اللي كان متعاذ
كان شفاف اوي وازاز
جاي بتحدفوا بالطوب
بلاش ترميني بإتهامات
حقيقتك واضحه اهي وباينه
عشان انت ضميرك مات
شايف كل البشر خاينه
يلا روح زي اللي راحو مع السلامه
من النهارده مفيش عتاب ومفيش ملامه
يلا روح زي اللي راحو مع السلامه
من النهارده مفيش عتاب ومفيش ملامه
أنا اللي ياما اتقالي ده انت القلب
والحب الجميل
واتقالي امتى يلف بينا العمر
وانا أرد الجميل
دلوقتي بس بقيت وحش
وبقيت خلاص منفعش
وشايفني حمل تقيل عليك
مُتشكرين يا اصيل
أنا نفسي بس اعرف بجد
انا ايه اللي صغرني في عنيك
هو الحنان والحب كتره عملني
لعبه بين ايديك
أنا مش حزين
فراق قليل الاصل مبيوجعش
روح يالا للي يشبهك
مبروك يا سيدي عليك
يلا روح زي اللي راحو مع السلامه
من النهارده مفيش عتاب ومفيش ملامه
يلا روح زي اللي راحو مع السلامه
من النهارده مفيش عتاب ومفيش ملامه
كلمات أغنية كتاب مفتوح
كلمات وألحان: مصطفى كامل
توزيع: طه الحكيم
ميكساج وماسترينغ: أحمد جودة