كلمات اغنية عصفورتين الكناريا - سارة هيثم
عصفورتين الكناريا
سألوني انتي نسيتيه
قولت أنا لا لسه شارية
لكن بتقل عليه
أصله الفترة اللي فاتت
أشواقه ليا ماتت
وبيتغير وساكت
معرفش جراله ايه
مبقاش يهتم بيا
كده زي ما كان زمان
وبيهرب من عينيا
وبيتعصب كمان
على طول عاملاله خاطر
وبقول له نعم وحاضر
بقى فاكر نفسه شاطر
وأنا مش حاسه بأمان
عصفورتين الكناريا
عملت أنا ايه يضايقه
أنا مش لاقية الجواب
من مدة العند سايقه
زي ما قال الكتاب
هو الزعلان ده طيب
ملهوش انسان قريب
يحكيله عشان يطيب
احساسه بالعذاب
فضّلت غيابي عنه
مبقتش عليه برد
زعلانه بجد منه
بس مبحكيش لحد
لو كان لي غلاوة عنده
مش هيطول في بعده
ونشوف أحسن لوحده
ولاّ نفضفض لبعض
عصفورتين الكناريا
سألوني انتي نسيتيه
قولت أنا لا لسه شارية
لكن بتقل عليه
عصفورتين الكناريا
كلمات أغنية عصفورتين الكناريا
كلمات: محمد عاطف
ألحان: مدين
توزيع: يحيى يوسف