كلمات اغنية المسكنات - نور الزين
خلف الله عالمسكنات
خلّتني أكمل هالحياة
معجزة من المعجزات
عايش بعدني بغيبتك
ارجعني لو عندك ضمير
لو أبقى أون وأتعب وأحير
تلكاني ميّت بالأخير
عافتني روحي بدونك
من الوجع قلبي شبع
حاولت أقنعه وما قنع
يرجع كلتله للفاركك
والمشكلة شو ما رجع
گد ما عشت مدمن عليك
يحتاج أعوفك ما أجيك
من دمي تطلع ما أظن
ما أشفى منك روحي بيك
ينراد أفارق ما أجيك
حتى أشفى من إدماني بيك
اسجني وحدي بغرفتي
حتى بعد ما حن عليك
عايش جنت عمري بسلام
ما يهمني شوك ولا غرام
هسّه بمنوم يلّا أنام
صحتي وراك اتدمرت
اي هذا الك مني اعتراف
حبي بعد مثلك ما شاف
أسمع نبض قلبي أخاف
قلبي من غيابك سكت
عشت بألم شفت الندم
يخنگني كل شوية هم
دمي احترك بعدك وأظن
شرياني أبد ما تلكه دم
أتعب وأريدك وأرتجيك
وينك بقيت أترجّى بيك
وإيدي تضل ترجف وأصيح
الحق عليا الله عليك
ينراد أفارق ما أجيك
حتى أشفى من إدماني بيك
اسجني وحدي بغرفتي
حتى بعد ما حن عليك
كلمات أغنية المسكنات
الحان وغناء: نور الزين
كلمات : ضياء الميالي
توزيع: سيف سليم
وماستر: ايسر القاسم