كلمات اغنية مايشبهك نبيل شعيل

أبد مايشْبِهِك غيرك
اساساً ايش جاب لجاب
تطمّن وارْقِد وآمِن
وبالك ريّحه تِكْفَى
وإذا تسأل وش المعنى
وش الفكره وش الاسباب
ترى بين الثّرى وبين
الثّريا فَرْق ما يخْفَى

أبد ما انْت ابْغلا عابر
ولا نَزْوَه ولا إعْجاب
وطن فِعْلاً احس انّك
وغيرك بالْفعَل منْفَى
تعال ولاحَظ وناظِر
هماليل الغلا تنْسَاب
على قلبٍ يشوف الويل
الا مِنْ قِلْت له بجْفَى

يا قبْلة أصْدق إحْساسي
يا أول وآخِر الأحباب
يا متْفرّد ويا فارِق
ويا الْأصْدَق ويا الأوْفَى
على عرش الغلا تسّكِن
وتسكِن راحة الأهداب
طلبتك ارْقِد وآمِن
وبالك ريّحه تكْفَى