كلمات اغنية انا فاضل - كايروكي
أنا فاضل لسه معايا
كام أول مرة، في جيبي
كام عود كبريت في العلبة
مرضيش يولع، عالفاضي
كام عود ملهوش ولا سابقة
في الحرق إلا المرادي
أول مره ادخل سيما مع بنت
كانت في اعدادي
كان كده للموضوع قيمة
وبعديها خلاص.. بقى عادي
أنا اسف جداً جداً على أول مرة
اتحرقت... عالفاضي
ومش وياكي
وأبوسك أول بوسة
تتباس أصلاً في حياتي
واتأسف بعدك تاني
على أول مرة معاكي
واتأسف تاني وتالت
على كل كلام اتقال
وأحرق في حاجات اتقالت
كانت لازم تتشال
لبتوع الدور الجاي
والجاي أبقى من الفايت
ميت بيسلم حي
والميت إن كان تافه
فبيفضل ملهوش زي
فانا حفضل فاكر ميّ
أول ايد بنت أمسكها
أول شوكلاتة هدية
أول توصيل للبيت
لحد ما فجأه لقيت
مش باقي معايا في جيبي
غير كام أول يتعاش
معرفش إن كنت حشيلهم
ولا حبيعهم ببلاش
متشكر جداً جداً
على وقتك تاني يا دكتور
العفو يا سيدي اتفضل
واديتني روشتتي تاني
مشطوب منها اربع تسطر
مش حاسس إنك أحسن
من اخر مرة
مش حاسس أصلا حاجة
على إيدك يعني أديلي
ساعتين عمال أتكلم
ومش فاكر نص كلامنا
السبت الجاي معادنا
لأ دنتا الحد... نسيت
خد بالك بقى من نفسك
وفيه دوا حنكرره تاني
أنا أصلا هبقى كويس
ومفيش حاجة مضايقاني
واخدت الباب في اديا
وما صدّقت إني مشيت
كان فاضل لسه سيجارة
في العلبة لقيتها معايا
بس استخسرت أشربها
قبل أما أوصل البيت
كلمات أغنية انا فاضل
كلمات: مصطفى إبراهيم
انتاج موسيقي وميكساج: شريف مصطفى