كلمات شيلة فجوج الخلا - الجفراني
فجوج الخلا سعاده الخاطر الملهود
على اللي يبوج الدرب لا افتر سكانه
يا كم ليلة اشعاه والدالهين ارقود
الى دق همي من غثا الوقت جرسانه
مع الخط الاسود يشبه لطلقه العبرود
ما توحي الهوى فاطراف جامات بيبانه
مع ادوايته ياتي القريحه تبختر زود
وتقبل سوات اللي من الزين ريانه
طموحٍ تغيض الغيد حجارها محسود
ولول البحر يغار منها ومرجانه
عليها حصانة شايب لاخر العنقود
ما يرضى عليها لا مضره ولا اهانه
عليها حصانة شايب لاخر العنقود
ما يرضى عليها لا مضره ولا اهانه
ولاجل من جذبها سلهمت بالعيون السود
على سمعة من صادق الطيب رنانه
سلامي على اللي من شبابه يعشق الكود
طموحه سماء والمجد الافعال سيسانه
سعد محزم العاجز سعد فزعة المضهود
ابن صافيه لا عدو الطيب واركانه
اي والله السريع الشامخ اللي بشبره زود
اتباهي به اللابه وتفخر به اخوانه
على كثر ماهو معتلي والفعول شهود
يسولف مع نجوم السما ضحك وميانه
تراكى على شداد النواميس ورث العود
ياطيب الفخر لاجا الرجل ورث جدانه
ولا هو يطيب الا عزيزٍ عريب جدود
ويعلن على صعاب المواقف تسلطانه
تراكى على شداد النواميس ورث العود
ياطيب الفخر لاجا الرجل ورث جدانه
ولا هو يطيب الا عزيزٍ عريب جدود
ويعلن على صعاب المواقف تسلطانه
ترى نطحة الواجب مثل نطحة البارود
غرام الشجاع اللي على درب شيبانه
وسعد سيرته بالمرجله مثل جاوي العود
الى دار فالمجلس اترحب بدخانه
ترى نطحة الواجب مثل نطحة البارود
غرام الشجاع اللي على درب شيبانه
وسعد سيرته بالمرجله مثل جاوي العود
الى دار فالمجلس اترحب بدخانه
ابو تم وابشر واعتبر ما تبي موجود
هذا مطلق قيده وذا قاضيٍ شانه
حضوره حضورٍ ياصل لغايه المقصود
ماهو بالحضور العادي اللي بلا خانه
ابو تم وابشر واعتبر ما تبي موجود
هذا مطلق قيده وذا قاضيٍ شانه
حضوره حضورٍ ياصل لغايه المقصود
ماهو بالحضور العادي اللي بلا خانه
لا منه احتمى الماقف وجا فالزحام حشود
ظهر وجهه ويرجح على العز ميزانه
يمثل وطن وشعوب ما انجازه بمحدود
ولا سمعته تحتاج تلميع وصيانه
لا منه احتمى الماقف وجا فالزحام حشود
ظهر وجهه ويرجح على العز ميزانه
يمثل وطن وشعوب ما انجازه بمحدود
ولا سمعته تحتاج تلميع وصيانه
ياكم رمز قد شله بيمناه بنك الجود
ونومس به امحبينه وغاض عدوانه
على كل اصيلٍ جوفها من وفاها عود
عليها من الذيب اذنه وعسم ذرعانه
الى من غدا عند العرب حاوي ومردود
اتروح على اصوات الجماهير طربانه
تلذع معارفها تلاعب هبوب النود
الى هدت اللي كان ترقص وشمقانه
لا نهمت تحرك لالي وشدها المشدود
تقول الخلل في زواره الجبر وابطانه
على كثر مافيها من السبق والمجهود
تشك ان وقود الميق فالجوف خزانه
فقاره وجنب راهي وغاربٍ ممدود
وفيها من اللي ذير وفارق اخوانه
على كثر مايضرب عليها حماها يزود
وتنهي نظرها طافح تقول سكرانه
اتجمل سوات اللي ماهو يقبل المنقود
وكثير الحكي اللي ضدها تقطع لسانه
بإدارة محنك ما ولا ضمارها مقرود
تزاحم امهنينه على باب ديوانه
خذاها بيمنى تفعل ومعرفه وجهود
وعزم الى جات المواجيب ما خانه
هذا درعنا الضافي هذا سيفنا المجرود
هذا اللي الخصم لاشافه يتوب شيطانه
ولا احلا من الناموس في يومه الموعود
الى التمو اهل الركض من ساير اوطانه
كلمات شيلة فجوج الخلا
كلمات: عبدالهادي بن قنيفذ
اداء: الجفراني