كلمات اغنية يالبيك - بندر بن عوير

يا لبيك الحنونه يا وجودي منك يا لبيه
أنا لبيه عندي بالغلا والحب مرهونه

أعرف الحب لكن مستحيل استخدمه ترفيه
جعل ربي يهين اللي على اهواهم يهينونه

وش اسوي؟ مع اللي لاسليت ومرني طارية
نفض قلبي غبار الذكريات وجنت جنونه

احسب اني نسيته واثرني مازلت ملك ايديه
واحسب اني وصلته واثرني مازلت من دونه

احبه مثل ماحب الحياة اللي تشعشع فيه
واخافه مثل ماخاف السهوم اللي من عيونه

واميز صورته لو حال من دون الوجيه وجية
واثمن كلمته حتى ولو ماهيب موزونه

لذلك يا صغير السن لا تطرد سراب التيه
على هونك وخل احساسك الطاغي على هونه

لا تبدي لي مشاعر قلبك اللي مستحيل ارضيه
ترى ما عاد لي قلبٍ يحس بْمن يحبونه

كلمات اغنية يالبيك

كلمات : سعود مبارك
الحان : يوسف الشهري