كلمات مكاني الصح تامر عاشور

كلمات اغنية مكاني الصح - تامر عاشور

ياللي وجودك فرحة بتنورلي حياتي
انت مريّح قلبي وبتسعد أوقاتي
قربك سر الفرحة اللي أنا واصل ليها
أما عينيك الحلوة دي حكاية لوحديها

لما أزعل من الدنيا انت قوام بتجيني
صوتك بيطمني حضنك بيهديني
واما أفرح من قلبي بتفرحني زيادة
دانا قبلك في حياتي
عمري ماشوفت سعادة

يا نصيبي اللي أنا بحمد ربنا على إني قابلته
يا مكاني الصح ونصي الحلو اللي أنا كملته
يا حبيبي بمعنى الكلمة
والحلم اللي أنا أجلته

قلبي زمان استنى انك تبقى معايا
اول مرة الدنيا تدي لحد هدايا
تطلب ايه اتمنى والأحلام احكيها
قولي الحاجة في ثانية قدامك تلاقيها

كلمات: أحمد المالكي
ألحان: محمد خلف
توزيع موسيقي: إلهامي دهيمة، وأحمد حسام
ميكس وماستر: أمير محروس