كلمات شيلة خليل الروح - الوليد ال عامر

خلي الضيق تكفى لا تناقشني واجيب اقصاي
تراني ضايق بالحيل واخلاقي تجاريه

اغيب مع شرود الفكر لو كوعي على مركاي
واعيش ابمرحله تركيزها عشرين ف الميه

يعزف الهم فوق ضلوع صدري مثل عزف الناي
وانا بين الصمود وبين حد الانهزاميه

تعبت اجحد صوابي لجل ماتفرح وجيه اعداي
ما يدله خاطري مع قولة الاتعاب منسيه

ياربي منك توفيقي وفيك امعلق رجواي
اهل ادموع عيني خاضع لك وارفع ايديه

مع الثلث الاخير اعطي ملايكة السماء شكواي
من السجده ليا السجاده الصعبات مقضيه

بعد صبري تلاشى وانقرض واستفحلت بلواي
عسى وجه الفرج للمنتظر مايبطي الجيه

انا اعيش الحياه افلام رعب اتبثها دنياي
بطلها منهزم في الواقعيه والخياليه

وجودي وجد، قرم صار للدنيا هدف رماي
ما شاف من الحياه وضلمها رحمه وماويه

منول كان مضرب للمثل في المعرفه والراي
وذلحين ايتعاطا للمنام احبوب نفسيه

عليه اهموم وقته كل ليله ذيبها عواي
يشوف من المخاوف موتر الاسعاف دوريه

صواديف الزمان اتهد حيل النادر الحماي
بعد كان المهم اصبح غريب بدون اهميه

هذا حاله وانا ما فادني صبري وكثر ابكاي
يجيني كل مغرب حاله ماهي طبيعيه

على وجه الثرا مافبه شبرا تهتويه اخطاي
ولا اللقى ما يسر النفس والاجواء ضبابيه

اطوف اليابسه واروح واعود على مرباي
واحن لذكريات باقيه في الذاكره حيه

اثر حتى الديار من الجفا تشتاق ل البناي
بقاياها بيوت طين واعدود هلاليه

خليل الروح تكفى لاتساومني على فرقاي
تراك الغالي الي ف الغلا مالله خلق زيه

لا ياخذك المفارق من يديني فالزمان الجاي
متاهات الدورب الموحشه موته حقيقه

شعور الفقد يوجع والمواجع مالها نساي
تبي قلب قوي ماهي بحاجة قو شخصيه

مع اني مااتبع المقفين واكره طاري الاقفاي
لاكن ادراء على الي هرجته فنجال بريه

عمومأ دورو لي راس رجم يتعب الرقاي
ابا اخذ لي نفس من طارف انسام الشماليه

ليا دارت حبال الكهرمانيه على يمناي
بدى العقل ايتمرد فوق حبل الكهرمانيه

يافرويد التعمق في كتابك يتعب القراي
وانا ضد التهور ف القرارات المصيريه

تنطحت الكلايف فالحياه ولا اختلف مبداي
يزود العزم رغم ان الظروف اتزود صرفيه

لو ابيع الكحيله في عشاء ليله على الشراي
انا احب المبادي كثر حبي للسعوديه

كلمات شيلة خليل الروح

كلمات : متعب بن مرزوق
اداء : الوليد ال عامر
توزيع ومكس : هاي تون