كلمات اغنية انت وحدك - سلطان بن مريع

لا تستفز المشاعر والغلا توه
وان هزّك الشوق لحظة لا تبلاني
انا عشقتك غرام وحب ومخوّه
وبوسط قلبي ابد مابه احد ثاني

حبك بقلبي سحابٍ انتشا نوّه
واحساسك العذب نفحة شوق ومزاني
ما اجبر القلب عا جوٍ ماهو جوه
حبك قناعه تربّت بين وجداني

الحب احساس ما تاخذه بالقوه
واجب عليك اتفهّمني وتقراني
ثمٍ بكيفك وسو اللي تبي سوه
أنا مسلمك نفسي يغلا خلاني

ودي بقربك اعيش بحب ومروّه
ما للعواذل علينا يالغلا شاني
يا نور عيني ويا عمري ويا ضوه
يا من تساوي حبيبي مقلت اعياني

ما عاش من هو يعكر جوك هدوّه
واتأكد اني متى تشتاق تلقاني
ما للعشق في خاطري ود وعنوّه
الا انت وحدك اجيك بلهفتي عاني

الحب احساس ما تاخذه بالقوه
واجب عليك اتفهّمني وتقراني
ثمٍ بكيفك وسو اللي تبي سوه
أنا مسلمك نفسي يغلا خلاني

كلمات اغنية انت وحدك

كلمات الشاعر: ناصر بن مترف
الحان واداء: سلطان بن مريع
توزيع ومكساج: حازم الابيض