كلمات اغنية كيوت - نوال الزغبي

الله ما انت بتتكلم اهو
وعمال تضحك وكيوت
امال ليه وانت معايا
بحس أن لسانك مربوط
ولا الناس يعنى كلامهم
بس يخليك مبسوط

دلوقت السهر احلو
وحابب الجو كمان يا سلام
وانا كل ما قولك نسهر بره
تقول من بدرى بنام
طب بص بقا ف ساعتك
دلوقت وقولي معاك كام

هتقولي انك حبيتني
ثبتني يا واد ثبتني
مانا واحده خلاص بتصدق
اي كلام حلو بيتقال

هتقولي خلاص عديها
ازاي وانت مقضيها
كل ده نايمة على وداني
وفيه ايه تاني كمان يتشال

هتفكر بس في مين
وانا راسى اخبطها كمان في الحيط
ما القاعده مع الحلوين
ليها طعم وبتنسيك البيت
وتقولى مليش في الرقص
ونازل هنا رقص وتنطيط

فين اللى بيبقا قصادي
واقف هادي طيب وخجول
ياما تحت الساهي دواهي
صحيح والله اطلع من دول
وانا اقول ليه في التوقيت ده
برن عليك دايما مشغول

هتقولي انك حبيتني
ثبتني يا واد ثبتني
مانا واحده خلاص بتصدق
اي كلام حلو بيتقال

هتقولي خلاص عديها
ازاي وانت مقضيها
كل ده نايمة على وداني
وفيه ايه تاني كمان يتشال

كلمات اغنية كيوت

كلمات: محمد الجمال
ألحان: مايكل صفوت
توزيع: عمرو الخضري