كلمات اغنية آسف - تامر عاشور
آسف يا امبارح على إني إستعجلت رحيلك
وماكنتش عارف قيمتك ولا شايف قدام
ليه فضلت يا بكرة بتندهلي وخليتني أجيلك
ومزغلل عيني بمستقبل راسمه بأوهام
ضيّعت حبايب شايلني في عينيهم شيل
بدلت الأهلاً بغبائي خليتها سلام
روحت على السكة اللي تأخر وتهد الحيل
وأديني لوحدي وبتحسّر على دي الأيام
آسف يا سنيني.. ضيّعتك مني
بديت البايع.. على ناس شاريني
ضيّعت مكاني.. مع إنه سايعني
تيجي سيرة امبارح.. قلبي بيوجعني
آسف يا امبارح خلّصتك ماشبعتش منك
وناديت على بكرة اللي هايقضي على كل أمان
قلبي بيتقطّع عالماضي وبيسأل عنك
وبقول ولا يوم من أيامِك يا حياتي زمان
كان جنبي حبايب عايزيني فرحان وبخير
وانسيتهم ورجعت أدور مالقيتش مكان
فضيت العالم حواليا واخسرت كتير
وبقيت أنا تايه في الدنيا وماليش عنوان
آسف يا سنيني.. ضيّعتك مني
بديت البايع.. على ناس شاريني
ضيّعت مكاني.. مع إنه سايعني
تيجي سيرة امبارح.. قلبي بيوجعني
كلمات أغنية آسف
كلمات: أحمد المالكي
ألحان: محمدي
توزيع موسيقي: أسامة الهندي
ميكس وماستر: أسامة الهندي