عشريناتي
ليل المحمديكلمات اغنية عشريناتي - ليل المحمدي
أنا نمت صحيت لاقيت العمر عدا هوا
ده امبارح كنا في الشارع وبنلعب سوا
أنا فوقت لاقتني بقيت حاجه وعشرين
والمفروض اعمل مليون حاجه قبل ال ٣٠
أنا نمت صحيت لاقيت العمر عدا هوا
أنا فوقت لاقتني بقيت حاجه وعشرين
وحشوني صحابي وقعدتنا ل ٢ بالليل
وأيام ليها طعم وغنوه علي ودني تميل
بتقول امتى الزمان يسمح يا جميل
وبفوق على اني ورايا شغل يهد الحيل
أنا نمت صحيت لاقيت العمر عدا هوا
أنا فوقت لاقتني بقيت حاجه وعشرين
عشريناتي
أنا الحلم اللي لم يُكتمل
أنا الجيل اللي مات في الأمل
أنا عن حاجه صعب اتسأل
جيت لاقتني في مطحنة
عشريناتي
أنا في عيونكم لسه شباب
لكن من همي القلب شاب
من اللي شافه من العذاب
وبقوم وأكمل أهو أنا
عشريناتي
اه زمانا غير زمانكم
لا انتو مكانا ولا احنا مكانكم
كل اللي بنطلبه منكم
متجيبوش اللوم علينا
عشريناتي
أنا رغم التعب بقوم
أملي في بكره كل يوم
أكيد الحزن مش هيدوم
بعد العسر يسر وربنا
عشريناتي
أنا نمت صحيت لاقيت العمر عدا هوا
أنا فوقت لاقتني بقيت حاجه وعشرين
كلمات اغنية عشريناتي
كلمات: ليل المحمدي
ألحان: ليل المحمدي
توزيع موسيقي: مصطفى السيسي والعبادي