قصيدة درب احبابي
مرتضى حربكلمات قصيدة درب احبابي - مرتضى حرب
تگول تعبانه مابياش اتاني
وفراگ اهل گلبي عماني
يايمه...
لا هاب...
الگبل بيهم چنت لا خاف.. لاهاب
جفاهم شعل بيه جمر.. لاهاب
انه ملگه گمت الاگي الهوه... لاهاب
بلكي ايجيب ريحتهم علية
مشتاگة واعيوني اعلة درب أحبابي
وماجاب الي منهم خبر الإعرابي
انه ام البنين انه
من الهجر تعبانه
مصوب دليلي عليكم يا يمه
من الفرگه ما مرتاحه
سيوف البعد ذباحه
ولا بيه حيل واجيكم يا يمه
اصورّ الوداع ابعيني
اتشوگني واتبچيني
من اذكرهه شيلة اديكم يا يمه
منكم خبر منتظرة
رياگ التحبكم مرة
يالرحتوا روحي انه بيكم يا يمه
يهل الهلا ديرانكم منكوبة
هم مثلي برماح الهجر مصيوبة
عذبني گلبي ابشوگه
وعيوني مامطبوگه
اجدامي ودمعتي ثجيله يا يمه
شفت الجبال مدگنة
امودعنه مابي ملگة
اعرفته ابواچي العليله يا يمه
لمچان الـوداع امشي
ومن دمعي يثگل رمشي
والتراب فوگي اهيله يا يمه
ابحسراتي اوگف وادعي
واترس اديه من دمعي
وفرگتكم ادري طويله يا يمه
ياهو اليصبرني وسلفكم خالي
وانه المتانه ايگطع ابدلالي
طبع التعوفه احبابه
ايعيش اعله دگة بابه
ويتاني چف اليدفعه يا يمه
من الفرگه خلصت روحي
ياهو اليشد اجروحي
وماظل حنين الافزعه يا يمه
ومن العليله اتگلي
مامش خبر من اهلي
گلبي ابدمعها تشلعه يا يمه
ابدرب المظعنين اگعد
وابچي عليكم وانشد
ومچاني من دمعه انگعه يا يمه
بدربكم مشبوحه وتهل عيني
وكل لحظة الشوگ الهودج ايوديني
ذاك المضيف العامر
مِترب يكدر الخاطر
ياوسفه محد يمره يا يمه
بردت يحيف ادلاله
من فارگ اغلى ارجاله
وبينت على افيايه كسره يا يمه
الماتطفه چانت ناره
امدنگ رجع خطاره
من ما لگه اعمامه خضره يا يمه
وانه اشيصير ابحالي
ابچي الفگد ياغالي
حزني اعله ياطول اگدره يا يمه
خطاركم يهضمنه لو مر بينه
من انگله راحوا كلهم وظلينه
ارسم صور للملگة
من كل كتر محترگة
وبروحي خوف الاسيرة يا يمه
أحلم لچن أحلامي
تگلي ضعنكم ضامي
كل واحد ابگلبه حيرة يا يمه
لو بيه حيل اتبعته
ضعن اللزم چف اخته
وبالي على ام عون اديرة يا يمه
بس الدروب اطويله
يظل ياهو للعليله
حيرة دليلي چبيرة يا يمه
من يومكم ماناشفات ادموعي
واحترگن ابنيران گلبي اضلوعي
كلمات قصيدة درب احبابي
القصيدة : درب احبابي
اداء : مرتضى حرب
كلمات : مصطفى حرب