كلمات شيلة رحلة استجمام - محمد ال دلبج وصالح ال مانعه
سرى الليل وش غير الحماسه وابو تمّام
نديم الورق والحبر والقهوه الساده
بصدري كلام وفي خيالي وصل واوهام
لو اخير منها دمعةٍ فوق سجّاده
ياما عذبك وانت تهب حتى مع الأنسام
وياما قساك وأنت تغرب الشخص في بلاده
أنا اكثر بشر تغريه الاحلام والاحلام
يموت الولد من دونها مادرك مراده
ماعاد ادري شلوني مع الفقد والآلام
قعدت اتجنب سطوة الوقت وعناده
يالايام وش باقي تخبين يالايام
عسى باقيٍ من ديرة الوصل نشاده
مضى عام عقبه عام واليوم ثالث عام
ولا زلت بقدام الطواريق وجداده
ياما اعذبك وانت تهب حتى مع الأنسام
وياما اقساك وأنت تغرب الشخص في بلاده
تكلم تحّرك سولي شي انا منضام
غدى السهر مهنه والتملل غدى عاده
احبك بشر مانيب احبك من الأصنام
علامك تضيم انسان تقدر على اسعاده
تشوف الغريب اللي عدالك وطاح وقام
سؤاله وش اللي ينفعك من توجاده
تحسب القصيد إلهام والله مهوب إلهام
قصيدي شعورٍ ما عرف وش هي ابعاده
كتبت ومليت الأرض شعر ووله وهيام
ولا طعت فيك الناس والناس نقّاده
مثل من ملى الدنيا لحون وصدى وأنغام
لو انه تشتت بين وردة وميادة
من الشعر ماخلد بشر واستمر ودام
لولا شعر ابن زيدون وش حجم أولاده
لو اضيع بك من ضاع فيك انت ما ينلام
وش اللوم ونفوس المحبين منقاده
ياكم من صحيحٍ يقتله منك السلهام
وياكم من مريضٍ منك والصبر مافاده
لك قلادة ان حبيت صارت عليك حزام
ولي الصبر لو نارك على الكبد وقّاده
ياكثر الفتن من غرتك لاسفل الاقدام
وجهاد الفتى نفسه عليك أعظم جهاده
اشوفك وطن وتشوفني رحلة استجمام
وأشوفك عمر وسنين ماهي بمنعاده
معي قلب واحد لو تقسمه خمس أقسام
يحبك بكل اقسامه الخمس وزياده
كلمات شيلة رحلة استجمام
كلمات : بندر الدويش
الحان : محمد ال دلبج