كلمات اغنية عليم الله (ياللي تلوموا)
عليم الله ما ينسى الخليل خله
عليم الله عليك باقي العمر كله
عليم الله يا شبه الغزيل
يا شبه الغزيل هايم بيك
ياللي تلوموا
غاويني والغية فيه
ياللي تلوموا
غلا الغالي وين انداريه
والغالي في قلبي نصونه
من خوفي من الناس عليه
ياللي تلوموا
أنا عشقي وردة فوّاحة
ياللي تلوموا
أنا عشقي في الزين سماحه
غير قولولي كيف يدارى
هللي توقد في قلبي ناره
ما تطفى ناري الا بيه
آه ياللي تلوموا
أنا عشقي في النجم العالي
ياللي تلوموا
الغالي ما يهون غوالي
غير قولولي كيف يدارى
اللي معدي بيا تياره
شايلني ما بين ايديه
يا غالين القلب ما ينساكم
ويخطر عليا كل يوم غلاكم
احني ما نسينا غياتنا يا غالين علينا
وياما زهينا في الزمان ورينا
والقلب ما يزهاش غير معاكم
والله وزهوي بيكم
يا شاغلين القلب نرجا فيكم
والعين تبكي بالدموع عليكم
اقسيتوا عليا غير شن قساكم
نقول وين منايا
وينه زهى عيني ونار علايا
انا خاطري والقلب موش معايا
يباتوا سهارى حايرين احداكم
بعت المحبة هناش من يشريها
بعد ما بدت الناس تلعب بيها
ياغالين القلب ماينساكم
ويخطر عليا كل يوم غلاكم
احني ما نسينا غياتنا يا غالين علينا
وياما زهينا في الزمان ورينا
والقلب ما يزهاش غير معاكم
منه يساوم
ويقدر على طريق المحبة يداوم
انا القلب عندي عيت فيه نراوم
حلف ما يحيد ولا يطاريها
من يتقدم
وانا عليها خاطري متندم
على ساسها كل مابنيته تهدم
وفي بحرها مش قادر نجاريها
من يقبلها
وعنده جواجي باش يتحملها
انا الكبد رقت صهدها دابلها
لالا ولا من يصبرني ولا يداويها
كلمات اغنية عليم الله (ياللي تلوموا)
عليم الله (ياللي تلوموا) موال ليبي شهير
ألحان: عبدالمجيد حقيق
كلمات: سليمان الترهوني