كلمات شيلة احترت فيك - مشعل الشراري
يا نور عيني والله ان قدرك ثمين
يا أرق واجمل من عرفته بالحياه
محبتك تجري مع حبل الوتين
ولافيه احد غيرك يشد الانتباه
فرقك ربي عن جميع العالمين
مالك شبيه لا فالارض ولا سماه
فديت أنا ذيك الملامح والجبين
اللي تلد العين من شدة ضياه
ومع ان حنا فالقصايد مبدعين
وقصيدنا ينقش على صم الصفاه
وصفك يساوينا مع المستشعرين
حتى لو ان حنا شواعير ودهاه
دعيت ربي بالغنا قبل سنتين
وجابك وأنشهد جيتك هي الغناه
واحترت فيك الصدق ياربي تعين
العقل عديتي طبيعة مستواه
ملاك مدري انس مدري حور عين
عزالله ان اللي يشوفك صدق تاه
لاجيت أشبه ماعرف من تشبهين
مايشبهك يا كود عكسك فالمراه
كلمات شيلة احترت فيك
كلمات : بندر الروثي الشمري
أداء : مشعل الشراري
توزيع ومكس : تون لايف