كلمات شيلة محطات العمر - سلطان الشراري
يالله يا المعبود خلاق البشر
تزيح عن قلبي همومٍ حامله
مليت أنا كثر اتوجد والصبر
واللي يجاملني ماعاد اجامله
وين الخوي اللي يجمل لاحضر
اللي عزومه بالمواقف صامله
راع الفعول اللي يوقف بالخطر
وكل الصعاب اليا تعزوى قامله
مافيه قيمه في غيابه للسهر
غيبته ينقص شي لو هي كامله
جلساتنا واحلى الليالي والسمر
ذكرى يلامسها الحزن بأنامله
يا صاحبٍ لك عندنا جاه وقدر
افعولك اشهد للجزايل شامله
اللي فقد خوه عرف طعم الكدر
لاكن وجودك نعمةٍ متكامله
الحال بعدك ياعشيري ماتسر
عامل محبك في لطافه عامله
تايه وضايع في محطات العمر
ومشاعري بعدك تراها خامله
سج القدم في ليلةٍ ضو القمر
فيها يا سعد اللي رفيقه دام له
اطرب شبابك لاتحسب للدهر
ورافق رفيقٍ بالحياه وزامله
كلمات شيلة محطات العمر
كلمات وألحان : سلطان الشراري
توزيع : احمد حبيب