كلمات اغنية ولاد الناقصه - ريشا كوستا و سماره ناو
معشرناش الناقصه عاشرنا ولادها
ناس خابت قبل معادها
هنلوم الناس على شرها ولا سوادها
روحو لدكتور نسا يديكم وصفه
أو صفو النيه بمصفا
مهما هتعملو علشاني والله ما هصفا
كلمة يا خساره كلمه غشيمه
مخسرناش حد عليه القيمه
علشان نزعل ونقول يا خساره
دا محدش نيتو سليمه
من الليله انا همشي بمبدأكو
تكدبو هكدب وهصدقكو
ربنا يديم بينا الاونطه
بتحبوني طب منا بعشقكو
كنت قاعد وبشوف صوري على موبايلي
شوفتلي صوره مع زمايلي
جيه في بالي خيانتهم ليا ودا اللي قفلني
هو انا كنت استاهل منكو دا كلو
ليه اصفالكم وانتو تغلو
موقف في التاني خلاكو من نظري تقلو
العيب لو من معيوب طلع
ممكن يتعدى ويتبلع
انما العيبه دي تبقا مصيبه
لو طلعت من راجل جدع
قبل ما ترمي كلام اعقلو
كلامك لو خايب كنسلو
لسانك لو خاب خدلو استحلاب
أو روح للميكانيكي يعدلو
صاحبي وصاحبك بقو مع بعض صحاب
واحنا اللي بقينا اغراب
طب مين مع مين يا مساء الاستغراب
دايره ازاي وسيطكو علشان مش فاهم
تقريبا دايره مراهم
في الوش اخوات
في الضهر نميمه وشتايم
مرض الخيبه لو كان لي طبيب
كنت لحقتك قبل لما تخيب
بس انت ياصحبي كبرت وخيبت
وبقيت في سيرة اخوك بتجيب
يابني انا ميزتك عنهم
وطلعت انت اوسخ منهم
بس انا كرفتك يسطا وضيفتك
جمب اللي انا كرفتهم
زي ما سبتيني سبتيلي ذكرى اذتني
بعدك عني مموتني
لو حد سألني لوحدي بقول وحشتني
هو انا ليه مش وحشك ولا فكراني
واشمعنا انتي وحشاني
عايشه حياتك مبسوطه وانا اللي بعاني
ازاي عايزاني اني انساكي
وانا اصلا ناسي قلبي معاكي
دنا لسه بروح نفس الاماكن
واقعد مع نفسي استناكي
انساكي ازاي وانا بتأذي
هو اللي مابينا دا يتنسي
زي مابعتيني ودمرتيني
بكره انتي في غيري هتلبسي
هو انا ليه مفيش حد بيسأل فيا
ليه محدش حاسس بيا
مش شايف الا خيالي يا ناس حواليا
تلفوني مفتوح ليل ونهار وفيه شبكه
بس الرجاله مش سالكه
مبشوفش انا رنه غير اما احتاجو لفكه
اسلك سالك كان وسطيكو
في غيابكو دا بيقطع فيكو
فبلاش تعملو نفسكو جدعان
علشان الغل باين في عنيكو
جدعان مين والنبي ريحو
على بعض بقيتو تستنصحو
منتوش جدعان ولا ليكو امان
وفي اسرار بعض بتفضحو
كلمات أغنية ولاد الناقصه
كلمات : محمود سوسته
توزيع مكس وماسترينغ : كيشو