كلمات شيلة سرا ليلي - خالد ال بريك
سرا ليلي وانا ارقب عقرب الساعه يجيب النور
ابي نور الصباح يجحفل الضيقه وينهيها
ابيه يشتت الضيقه ويرسم للحياه اقصور
ويسحب وحشت الليل الكئيبه مع علابيها
اجامل واتصنع ضحكتي لو ماني بمسرور
انا وشلون ابا اصل لسعه واصافح ايديها
صواديف الليالي كل ماهدت مشت طابور
ولو تصفي بدهنة سير بخششنا مخابيها
سمعتو في سجينٍ ماهو مقيد ولا مخفور
سجين الذكريات وذكر الايام وخواليها
يضيق خاطري حتى زرارة ثوبي المزرور
وصلت لمرحله يالله لطفك من تواليها
اعاني من غثا التفكير في بكره ونزف اشعور
بديت اخاف وش باقي تخبي لي لياليها
اصد عن العرب واقفي واجنب نشدة الممهور
ليا منه نشد عن حاجتن ماله دخل فيها
تقول انه عن علوم الاوادم والعرب مسعور
اضعيف رابعه والكلمه الخبله يدربيها
اشوف ان السعاده قاعها ممحل مهو ممطور
عسى رب السحاب الصيب النافع يساقيها
احب العزله ومن فتره لفتره قليل ظهور
مغير ادوج كن الارض ضاقت بي فيافيها
صواديف الزمان وقسوته والخاطر المكسور
تبلتني ماخلتني عسى الله لايخليها
ليا مني ذكرت اللي بناله في خفوقي سور
ياكم من ديرتن في نجد اصبحها وامسيها
طلبتك لاتطول غيبتك يابو عيونن حور
ورب المبسم الجمري تراني رايحن فيها
ورب المبسم الجمري تراني رايحن فيها
فمان الله قالو كنها السكين في الحنجور
اذا بتغيب عادي بس تكفى لاتسويها
سقى الله يوم كان الوصل حبله ماهو بمبتور
وهو ماهوب ناسيها وانا مانيب ناسيها
سلام الله على اللي عن مديحه ماني بمعذور
سعد عين الرفيق وعين يكحلها ويعميها
حزامن نحتزم به كل ماجا في الامور امور
يحل اللي ما حلتت لين ياخذها باذانيها
يجيه الضايق اللي من دواعي وقته المعسور
قبل يمشي دواعيها مودعتن دواعيها
يساق اطيب قصيد المدح يم العوني المنعور
من اشهر ماشهر في مطير ومن ادها دواهيها
هذا زامل ذخر شباب ركن المعرفه والشور
ابشوره يمكن الدنيا على كيفك تمشيها
اليا تكى على شداده وتكى في يمينه نور
اكبار القوم والله ما يناديها باساميها
ابو ممدوح منصا اللي لحقه من الليالي جور
ياحي الفزعه اللي زامل المطنوخ راعيها
ذخاير لابتن تاريخهم في الطايله مشهور
رقا في قمة الطاله وتكى في مثانيها
اهل قب المهار اللي ترد البل على المقهور
دبيك خيولهم باقي على الرقه مواطيها
يسير بوشهم في كل دارٍ حدها محذور
بهيبتهم ديار القوم ترعا في مفاليها
هذولا اهل الثلاث المعجزه والبيرق المنشور
ياحي الاسم والتاريخ والعزوه وطاريها
وتاريخٍ ما تقدر تحصره في مكتبه وسطور
مشيده الزمان بعزم الابطال ويمانيها
مطير اللي يجي في نحورهم عود وهو مدحور
جموع ابريه وعبدالله وعلوى من يناحيها
كلمات شيلة سرا ليلي
كلمات: مشعل السميري
أداء: خالد ال بريك