كلمات شيلة نظرة الانكسار - جفران بن هضبان
في مدح ناصر ولد هزاع نار وشنار
يرتاح صدق الشعور ويارد لمنهله
ركنٍ من ركوننا شامخ وصاحب قرار
شيخٍ يحب الجميل وربي مجمله
ساس الاماره واساس العز والافتخار
حي الثناء اللي على اصوله وعند اهله
يالناقد الذاتي افتح لي مجال اختيار
وافتح مجال القصيد الزين لا تقفله
لو نقعد نحاضي الاذواق طال المسار
بين اندفاع الطموح وخوف مستقبله
والمومن اللي يحارب نظرة الانكسار
جعله مايقطع رجاه ولا يخيب امله
مليت من الانتظار وملني الانتظار
حتى نديم السهر ماعادني باقبله
والخاطر اقصاه ومسافر وتالي نهار
ابي القريحه تغانم ليلها باوله
خله لامنه غشا الاطلال مثل الستار
ارتاح في سكنة هدوه واعيش اجمله
حتى الشتات يتلاحم والقوافي تدار
وكلٍ يعرف اعتباره ويعرف منزله
ماعاد عينت مايدعو الى الانبهار
افكارٍ مكرره وبيوتٍ مقوله
وكم لي ماعاد اعطي بيوت المديح اعتبار
من باب مامؤمن يجزى بغير عمله
المعتبر يدري ان ماكل قبه مزار
والناس ماتقبل اللي ما الله بيقبله
يزهى الثناء شايب كاسيه عز ووقار
شيخ لوجهه وجاهه تصغر المعضله
قرايح المدح في غيره عليها حصار
وآمالها كايده وابطت وهي ممله
وفي مدح ناصر ولد هزاع نار وشنار
يرتاح صدق الشعور ويارد لمنهله
ركن من ركوننا شامخ وصاحب قرار
شيخٍ يحب الجميل وربي مجمله
الواثق اللي كسب ثقة طوال العمار
لله در المقام ودر من مثله
مكارم الخلق والهيبه وحسن الجوار
ومن الحضور اثقله ومن المقام اجزله
كم قد كلت شفرته من حايل ومن حوار
ولهيبته واعتباره كم خلص مشكله
ساس الاماره واساس العز والافتخار
حي الثناء اللي على اصوله وعند اهله
على يمينه عضيد وعزوه ومستشار
حر طلوعه على عز وعلى مرجله
سلطان سلطان ابن هزاع جعله مجار
اسمٍ خذا من رها المدح اجزله واثقله
سيفٍ يروع شبا حده وشباب نار
قرم لامنه اصتغا حمل الزمان عدله
سلايل شيوخ نجد اهل الاسامي الكبار
واهل التواريخ واهل السيره المذهله
احفاد شيخٍ من اشجع من تعلى المهار
لو يكتب اسمه على صم الصفا زلزله
مهابةٍ شيدت عاد الليالي دمار
أساسها ناصر ابن عمر ابن قرمله
مهابةٍ شيدت عاد الليالي دمار
أساسها ناصر ابن عمر ابن قرمله
كم راح ابو لاح بشيوخ تفض الديار
وكم عايل جاب خيال البويضا اجله
انشد من اللي حمى نجدٍ وسيع الفقار
بعتاد ورجال وخيول لها جلجله
الين خلاه حدٍ من نواه استخار
وتطرخ اعلام قحطان فيه وتمثله
ومرابع لقحطان وفرض هيبه ودار
وروابعٍ ماتهاز وسلطة منزله
هذا مديح الشيوخ اللي مافيه اختصار
وهذا شموخ الكبار اللي محد يجهله
وهذا شموخ الكبار اللي محد يجهله
كلمات شيلة نظرة الانكسار
كلمات : مشاري الهريم
أداء : جفران بن هضبان