كلمات شيلة هبوب الريح - درع المري
تبقّى ثلث واصدح ياربيب الغصن بالتسبيح
ومناديب الطواري بين قبّاله وقفّايه
احسب ان الصدر ينبع شعوره والضمير امريح
وعرفت انه مثل راس القلم يبريه برايه
بعد ما ذعذع الحدري ونطّحته هبوب الريح
ووصلهْ لمكانٍ ماتمثنى طرقته تايه
لكن يا قبلة انظار المشاعر واجب التوضيح
تنحّرتك وانا اللي شيّخ فواده على رايه
الى انكرت الشعور اللي نفخهْ الله بنفحة شيح
تصفّح ذكرياتك قبل عام وعرفك كفايه
عقب طول التردد ويش يمنعنا من التصريح
حنا اصدق من دموع اللي تعقّب طيشه اهدايه
تجاوزنا بدايات الغلا اللي فأوله تلميح
وفهمنا ان العيون لما يكنّ الخافق مرايه
الى قام يتفادا القلب الابيض نبرة التجريح
فلا شك ان تفاديه الوسيله لانك الغايه
لكن حاول تلحفني جفونك وانتبه لا اطيح
ايلين الله يهيي فالوداع لكفّي اومايه
لا تشغل بالك بيومٍ ختامه دمعه وتلويح
وش الراحه لو ان قلوبنا ماهيب نسّايه
كلمات شيلة هبوب الريح
كلمات : علي ابا السيقان
ألحان وأداء : درع المري