كلمات اغنية خد مني الوردة يا بيه - الاميرة فيروز
مش ذنبي اني بقيت في الشارع
من غير أم ومن غير أب
مش ذنبي اني لقيتني في دنيا
مش موجود فيها لحظة حب
أنا طفلة وطفولتها نسيتها
ماشيه وماسكه في ورد وفل
أنا طفلة والدنيا جابتها
في مشاكل ياما مالهاش حل
طب خد مني الوردة يا بيه
طب خدي مني الفل يا ست
خدها يا باشا واديني جنيه
أنا مش نازله اشحت من حد
مش أنا اللي اخترتها شغلانتي
أنا كان نفسي أفرح بطفولتي
بس طفولتي بقيت في الشارع
والشارع بقى بيتي دلوقتي
أنا لما بجوع باكل لقمه
ان شاء الله تكون والله حاف
أنا كل طموحي لما بتشتي
وفي السقعه اني ألاقي لحاف
أنا لما الليل يجي ويليِّل
صدقني أنا بجد بخاف
بفضل بصه بعيني في السما
لحد ما نور شمسها يتشاف
طب خد مني الوردة يا بيه
طب خدي مني الفل يا ست
خدها يا باشا واديني جنيه
أنا مش نازله اشحت من حد
مش أنا اللي اخترتها شغلانتي
أنا كان نفسي أفرح بطفولتي
بس طفولتي بقيت في الشارع
والشارع بقى بيتي دلوقتي
كلمات أغنية خد مني الوردة يا بيه
Music distribution : Mando Elalmy
Mix & master : Mostafa gamal
Lyrics & Melodies : Kastlo