كلمات اغنية حظ سعيد - محمود معتمد
أبوس ايدك قلدني
بس بلاش تحسدني
مركز انت معايا
وهو ده اللي تاعبني
يا عم بص لنفسك
خليك شويه بنفسك
ليه بيا شاغل عقلك
حرام عليك ما تسيبني
حظ سعيد المره الجايه
لسه أنا ثابت على رجليا
الواقعه دي ماتلقش عليا
كان غيركم أشطر بكتير
طول ما أنا عارف قيمة نفسي
هفضل بردو ساند على نفسي
متسيط وعايش على حسي
مش عايش على حس الغير
عايز طبيب نفساني
عشان يا دوب تنساني
خليك شويه في حالك
مالك يا عم بحالي
طول ما انت مني بتاكلك
تملي هفضل شاغلك
اخوك مابينتهيش
قاعد قاعد على قلبك
طول ما أنا في الحته دي استاذكوا
هفضل كاتم على انفاسكوا
مش بشغل بالي بشغل بالكوا
اكمني ثابت انا مابوقعش
طول ما ياعم أنا صحتي طازه
يبقى اعتبر الكل اترازه
بلغ كل اللي مالوش عازه
لما يشوفني مايتمطعش
عشان يابا معديهم
عليا راشقه عنيهم
عارف ايه اللي غايظهم
اكمني عالي عليهم
عشان مميز عنهم
مفيش غيري اللي في بالهم
لكن ولا يشغلوني
اخوك دا عارف تمامهم
لسه مجاش اللي يهمشنا
وضعنا في الدنيا معيشنا
تطلع مين ياللي تهوشنا
اعرف مين قدامك ياض
ده احنا اللي مفيش حد شبهنا
من يوم ما وعينا على مبدأنا
لو تعرف جوجل اسأله عنا
هيقولك هما البابات
مع اعتذاري للكل
اخوك ده عم الكل
ماليش شبيه من الاخر
ماليش آخر ولا حل
عمك وعم جيلك
كبير بلد وكبيرك
لو انت جاي في حكايه
شوف انت فين وانا اجيلك
ياللي انت بتتكلم عنك
احنا لا سامعين ولا شايفينلك
انا عايزك يابني تجيب اخرك
يمكن مره احس انا بيك
خد مني نصيحتي أوعى تكتر
بطل تتثورج وتخطر
كلنا عارفين انك منظر
فبلاش ياسطا تفخّم فيك
كلمات أغنية حظ سعيد
كلمات: حسين خالد
توزيع : شيندي وخليل
ألحان وغناء: محمود معتمد