كلمات شيلة اغلى ثلاث - فايز الدوسري
انثر على خدي من الدمع وأنوح
لين المدامع جفّ ماهن وباحن
ومشاعري من شان لاصير مفضوح
أكذب على نفسي وأقول استراحن
أهدي أعصابي وأنا أفور وأفوح
لو فوقي الدله والابريق فاحن
لني فقدت الروح مع توأم الروح
أغلى ثلاثٍ في حياتي وراحن
راحن وباب القلب للحزن مفتوح
والنوم عن عيني دروبه تناحن
ورثت من مرواحهن عشرة جروح
اسكت وهن سكوت وإن صحت صاحن
والى لزمت الصمت ما ودي أبوح
تجرّدن من صمتهن واستباحن
يال النصيب اللي كتب لي على اللوح
علّقتهن بين المحاجر وطاحن
طاحن ويوم الظل ميّل على الدوح
كن الحمايم في ضلوعي تلاحن
يا كسرة الخاطر ويا قصرة الشوح
ضحيتين الحرب والحرب طاحن
قفن عن عيوني بروقٍ لهن ضوح
واتلا العهد في شوفهن عقب لاحن
زينة حياه ونصف دين وغذا روح
أغلى ثلاثٍ في حياتي وراحن
كلمات شيلة اغلى ثلاث
كلمات : مدغم ابو شيبه
أداء : فايز الدوسري
توزيع : هشام حميد