كلمات شيلة عطايا الله - سلطان بن معيض الشراري
سبحان ربي خالقٍ سبع الارواح
ورب السما والكون جل جلاله
منجي نبيه نوح من بين الالواح
أنجاه من وسط البحر مع عياله
لجل الشناح اللي لها البال يرتاح
حرش الرقاب اللي تسوق الرحاله
جزل القصايد جاتها والفكر باح
والبل عطايا الله وساس الجزاله
يفخر بها اللي لا انتخا عز من طاح
شيخٍ يشيل الحمل هو لا ارتكاله
بين القبايل اسمه النجم وضّاح
والكل به يفخر عسى العز فاله
لاجا التحدي نعدها عندنا اسلاح
ويدحم بها الوافي على كل طاله
مركاضها بالشوط به كل الارباح
ومحدٍ عليها شاف بالماد حاله
فيها ترى الوافي على الكل مجتاح
ومرخص لها بالفعل حاله وماله
مركزها الاول دايم تلبس وشاح
وتستاهل النوماس والمدح جاله
بين المطايا كاسبه كل الامداح
والفوز جاها من حلاها وجماله
تجلب لراعيها الفخر ويا الافراح
وتعجبك بالميدان لاجا مجاله
ترفع لها البيضا على كل ملواح
ويوم وصلت للمجد كلن دراله
ويوم وصلت للمجد كلن دراله
كلمات شيلة عطايا الله
الحان واداء : سلطان بن معيض الشراري
كلمات : الوافي
توزيع وميكساج : حازم الأبيض