كلمات اغنية سكوت - أرسينك
أنا جاي احكيلك واكلمك
كإنك أنا في الماضي
وانا مش راضي
حاسس ملل مفيش أمل قصادي
اديك عينة بسيطة من اللي دوقته
مانا زييك مريض مش دكتور
يا دوبي بحكيلك اللي شوفته
كنت صبي انما شوفت الكل
محدش في الناس دي فل الفل
طب بص وطل
في وشوشهم غلب من كتر الذل
ده شرب المر
اللي يعلم شاب في طفولته يرول
اتحرم حضن الأم
اتعلم في الشارع الشغل الحر
اول درس
مش كل دروس الشارع مفيدة
راجع تفكيرك حتى لو كانت الدافع بيهينك
اشتغل وانضف الفقر مش جدع دي عبرة نيلة
الفقر شيطان والشارع اتخدع روح اقرا دينك
درس اتنين
تفهم الفرق بين
صاحب الشدة وكلب الكيف
شوفت منهم قد ايه؟
صاحب قعدة وصاحب ساعدك
لما احتاجته كانلك جيش
صاحب لعنة وكلب جنيه
وصاحب اعمى قلب وعين
اخر درس شروط النجاح
يا تتكلم بوزن يا تخلي سكوتك سلاح
تتحرك في الخفا قبل ما يقصولك جناح
الشارع مبيحبش حد ومبيعرفش حق
ومفهوش اصول كله مباح
حتى الدم مهما كان في قلبك ذنب ولا اتخانت
مفهاش فرق
كم هم الزمن خلى الناس تتجن
هل مهتم؟ مفيش شكوك
من غير كرامتي انا مليش وجود
وأكيد اكرملى من اني اعيش في سكوت
بقولك ايه وسع وافتح سكة
لسة بداية الرحلة
الدنيا مسيرها بتحلى
الجيل ده في محنة
وان جت فرصة يهج
عادي هيطير ويبيعها
بنشرب نحرق علشان نهرب نحلم
طب امال امتى الضحكة
في زيج زاج حلوة ووحشة
مهما فشلنا نجحنا
مسيرنا نلف
ونرجع تاني ونعيش اليوم
ميه حاجة وعشرين مليون
ع النت مشاهير بالكوم
هتمشي ورا مين في دول؟
مين اللي دور في ذاته ولقاها
كلها ع الشاشة ماسكين الفون
الزمن ده خلا الحقيقة بيئة
والكدب متشيك ع التليفزيون
يا ساتر يا رب
انا وزميلى داخلين في مطب
لازم اتعلم اشيل مسؤولية
عشان في سن التلاتين ابقى أب
لازم الصبر
لازم اشيل من القبض
لازم اغير طريقة القبض
لازم اكون متوازن قدام الضغط
عشان ابقالك ضهر
الاهل والحب يعيطو للراجل
الراجل يعيط للشجرة
الراجل لازم يبقى هضبة
الراجل مش محتاج لشفقة
لو خايف تتحرك مش عارف تروح لفين
اللي خاف التعب اكتر من الفشل ازميلي
بيدوق الاتنين
ده الواقع والكدب ملوش رجلين
دي الدنيا واحنا تلاميذها
بكرة نبقى اساتذها
انا مش بتكلم في السياسة
علشان دلوقت بمارسها
عندي ميشن بنفذها
لو مكاني كنت تزهق
على المولى رزقي ورزقك
صفو النية الدنيا تسلك
وسع وافتح سكة
لسة بداية الرحلة
الدنيا مسيرها بتحلى
الجيل ده في محنة
وان جت فرصة يهج
عادي هيطير ويبيعها
بنشرب نحرق علشان نهرب نحلم
طب امال امتى الضحكة
في زيج زاج حلوة ووحشة
مهما فشلنا نجحنا
مسيرنا نلف
ونفتح سكة
ونبدأ تانى في الرحلة
مسيرنا نلاقي مفاتيحها
مسيرها بتحلى
عشان الجيل ده في محنة
ازميلي بس انسى نبيعها
بنشرب نحرق علشان نهرب نحلم
طب امال امتى الضحكة
في زيج زاج حلوة ووحشة
فشلنا نجحنا
ادعيلنا ربك يسامحنا
Skoot Lyrics - Arsenik
Written, performed, composed: Arsenik
Mastered: Marwan Samy