كلمات شيلة شرهات الايام - احمد الغامدي
دمع تعلق على اطراف الهدب قطره
مقيده ينتظر لحظة يواسيني
يويق غير الوعد لو طال به صبره
تبقى عفيفه وراها رجل حاديني
تواقدت في خفوقي حالةٍ قشره
تنادي الماضي اللي قلت ناسيني
اسكنتها بالضمير الحي والجمره
لاقبل يجر الهموم الليل يمسيني
ياعين قدّمتها طيب وغلا نظره
مردودها خير عند الناس يجزيني
أحوال تمشي كذا وأحوال منحدره
أساير احساس غارق في شراييني
كم صاحبٍ ممتلي بالصدق معتبره
طبعه تبدل تناسى بيننا سنيني
شرهات الايام فوق الحمل والقدره
اخفض حدود التوقع دون تبييني
لاتنتظر مقفيٍ خلاك تنتظره
اسمع لصوت الكرامه والله يعيني
اللوم كسَّر مجاديف الصبر حسره
يا نفس خفي ظلام الضيق كاسيني
عتمة تقاسم شعوري ماخذه شطره
والعمر يمضي ياليت اليوم يعفيني
تاهت معي خطوتي والروح منفطره
مسجونها في قصيدي مع دواويني
لملمتها في حروفي لكن الكسره
اني اشوف الوضع بزود يكويني
هذي محطات حلمي خطها حبره
ضاعت مابين البحور وبين يديني
كلمات شيلة شرهات الايام
كلمات: عطيه الحارثي
الحان: ارام تيغران
توزيع: إسلام فاروق
مكس وماستر: محمود عبد العظيم