كلمات اغنية ساحات المطار - عمر العمر
من يديني طاحت الفرحة وهدايا
وطاح معها القلب مكسور وتركته
خفت اشيله ثم تفضحني النوايا
وكم من كسرٍ في ضلوعي ما جبرته
من هنا شوقي بدا يملا الزوايا
بين ساحات المطار ولا لمحته
وصلوني مابقى فيني بقايا
ولا بقى بالعين دمع ولا ذرفته
روعوني واظلم الكون بسمايا
وفجعوني في مرضها اللي مرضته
جيتها مرتاع واوجاعي ورايا
كل مخلوقٍ سواها ما ذكرته
بس أبلمح وجهها وأروي ضمايا
وجهها اللي من تعبها ما عرفته
جوهرة قلبي معاليقي حشايا
كلميني صوتك أفرح لا سمعته
ليت كل أوجاعك أخذها معايا
فدوتك عمرٍ لغيرك ما وهبته
يالرياض أشوفك أضيق من فضايا
من بعد ما كنتي أرحب ما سكنته
وجهي الشاحب تركته في المرايا
والأنين اللي كتم صدري حبسته
مات قلبي وانقبر بين الحنايا
قلبي اللي من قبل لارحل قبرته
كلمات أغنية ساحات المطار
عزف وغناء : عمر العمر
كلمات : مشعل عبدالعزيز
الحان : فواز
مكس وماستر : شريف معتمد