أطلق الفنان حمزة نمرة أحدث أغانيه بعنوان "قرار شخصي رقم ١"، والتي جاءت ضمن ألبومه الجديد "قرار شخصي"، وذلك على قناته في يوتيوب. الأغنية من كلمات عمر طاهر، وألحان وتوزيع حمزة نمرة، وميكس وماسترينغ Celil Yavuz .
كلمات اغنية قرار شخصي رقم 1 - حمزة نمرة
قرار شخصي رقم واحد
وما تفكرش تحاسبني
أنا مش هجري ورا حاجة
عشان أعصابي محتاجة
أعيش بطريقة تناسبني
بصالح نفسي على نفسي
وماشي العمر تدريجي
وباخد سكتي عادي
مافيش أحلى من العادي
وتيجي زي ما تيجي
محصلة بعضها الدنيا
وفرقها مش مهول
ولو سألوني يوم عنها
أنا مضطر أقول
مافيش حاجة بتستاهل
أكون زعلان أوي جداً
أكون فرحان أوي جداً
أكون قلقان أوي جداً
وبتصاحب على الأيام
وييجي الليل وقبل ما انام
أفكر عايز ايه تاني
أقول ولا حاجة نقصاني
أنا مرضي وكله تمام
يهل النور أقول سلامات
بحب اللحظة دي بالذات
تعالي يا دنيا نتسابق
ومين يكسب ماهوش فارق
بتشبه بعضها الحكايات
تبوخ دنيتي
أضحك ولا بسألها ليه
وبسأل نفسي ع المكسب
خسرت قصاده ايه
مافيش حاجة بتستاهل
أكون زعلان أوي جداً
أكون فرحان أوي جداً
أكون قلقان أوي جداً
ما بهربشي وأهرب ليه
أنا اخترت الحياة تتعاش
وبتعلم طريقي منين
وما تعلمتهاش ببلاش
ما خليش حاجة تملكني
ولا حاجة تبكيني
ولو جت حاجة تجرحني
هييجي يوم تقويني
مافيش حاجة بتستاهل
أكون زعلان أوي جداً
أكون فرحان أوي جداً
أكون قلقان أوي جداً
كلمات أغنية قرار شخصي رقم 1
كلمات: عمر طاهر
ألحان وتوزيع: حمزة نمرة