مسجون حزين بقرار حكومي - اسلام كابونجا

كلمات اغنية مسجون حزين بقرار حكومي - اسلام كابونجا

أيوة الأسلحة لما تتسن
كل الأسامي هتترن
بقولك إيه يا فيجو كله هيتحاسب
شافعي وماندو وأبو حنيفة
وكده كده أنا لو هاجي في حبسة
فهاجي في حبسة نضيفة
كريم السامبو بيقولك
إبعتهاله من حارة اليهود يا فيجو

السجن إيه غير باب وسور
والكام ظابط والبيه المأمور
عنبر عنبر اثبات حضور
لافت انتباه سجين سجين
يا كلبش ليه صاحبت يومي
بفضل صاحي في عز نومي
مسجون حزين بقرار حكومي
أنا السامبو قولي إنت مين
أنا السامبو قولي إنت مين

بلاش تيجيلي في المشاكل
ما فيش واحد على إيدي واكل
خطر وليكو جاي عاجل
أنا طالبكو في إنتداب
جاهز لأي جولة وقتي
أنا فاقد قاطع بطاقتي
الوحش جالكو يا ابن جيهتي
الرجعة من بعد الغياب

ما شفتلكش ولا بشوفك
أصلي ما شفتش إلا خوفك
طب يلا بينا اسحب سيوفك
أنا نفسي بس أشوفلك كارفة
طلبتك ع الأسفلت تحضر
جريت ع القسم عملت محضر
طب عشت ليه في دور المتخطر
ياللي بتتزق ومامي عارفة

الإحترام صبح جريمة
كل النوايا مش سليمة
وكله ضرب ما فيش شتيمة
كل المعاملة بالسلاح
لو عشت طيب يجرحوك
لو صنتهم هما يخونوك
هتوطي يا ابني يركبوك
فخد حقك بدون سماح

سهل عليا أقطع لسانكو
ده مش عشاني ده عشانكو
كده كده أنا ماسك لجامكو
ياللي إنتو جبتوا في سيرتي مرة
اسمي كريم السامبو أبابا
عمري ما باجي ع الغلابة
بس اللي ساقها كال سحابة
جيهتي هي حارة اليهود

أربع إخوات في ضهر بعض
متلقبين أسود الأرض
ما يشغلناش يا أخويا حد
ساندين بعضنا من الطفولة
عايشين بكيفنا وبخيالنا
لينا تاريخ بيحكي عنا
وأي حد بيعاملنا
بيقول دول منشأ الرجولة

ألو إيه الأخبار يا عم
مش إنت ياض تسألني دم
أنا تحت بيتك يلا ضم
لو تعرف تاخد حقك إنزل
هتفضل تشتم وانت فوق
هطلعلك وهخليك تفوق
خبطاتي تقطع العروق
وهتمشي من بيتك تعزل

ما خفتش غير من اللي فوق
ركبت أنا المجال بسوق
رجولتي في دمي في العروق
أما انتو عيال مش متشافين
متربي ع الأصول يا شقي
وعمري يوم ما سبت حقي
وأي حاجة قالها بقي
تتنفذ لو قصادي مين

عيال وبرشامكو سايقكو
تسحبوا ولا أسحب وأجيلكو
أنا بشبشبي هعاملكو
وأكسر نفسكو أكويسين
الحرب بدأت يلا بينا
شبشبي قصاده كام سكينة
لكن ربنا فوق حامينا
ما بنعتمدش بني آدمين

ما فيش حنان ما فيش محبة
وقلبي دفنه جوة تربة
بطلت أقول عليكو صحبة
لغيت نظام الاحترام
من النهاردة أنا هبدي
واللي خايف يلحق يروح
سلاحي في الملوح يريح
ويلا باي من غير سلام

حارة اليهود أرض الخطر
الطلقات فيها دي المطر
الشبل فيها ساحب قطر
حارة اليهود منبع أسود
والبطارية أرض الموت
جيهتنا يابا قلب واحد
في أي مكان ثابت حضور
سكينته بتجرح في الخصوم
واللي يفكر يعيش الدور
ديته هنا طلقة حية
كريم السامبو سحب سلاح
العركة دايرة الخبط متاح
لما بخصم ما فيش سماح
الضرب بيبقى في الوشوش
لما السكاكين يابا هتتسن
كل الخصوم هنا هتترن
سكاكينه بتجرح ياعم

كلمات أغنية مسجون حزين بقرار حكومي

غناء: اسلام كابونجا
كلمات: مانو الجاحد
توزيع: فيجو الدخلاوي