كلمات اغنية مربى الدلال - زياد الرحباني
مربى الدلال ربوكي
واتعذبوا فيكي يا دلال
ورحنا نكلم ابوكي
ويا ريتك كنتي
وشفتي شو قال ابوكي
على كل على كل حال
يعني بكل الأحوال
على كل على كل حال
يعني بكل الأحوال
ممنون أنا لأبوكي
ممنون ع الإستقبال
قالي يا ابني كيف احوالك
صرنا نتحدث بالأحوال
قلتلو سيدي بطمنلك بالك
عيشة رضية قد الحال
قالي بتعرف بنتي، طلبها المحامي
واللي بيجوا لعنا، من أحسن عيال
مش كل ساعة فيه محامي
لكن فيه متلك أمتال
وعلى كل على كل حال
يعني بكل الأحوال
على كل على كل حال
يعني بكل الأحوال
ممنون أنا لأبوكي
ممنون ع الإستقبال
قالي شو عندك وين رسمالك
قلتلو بتعرف والله يا خال
حبي رسمالي وهياني قبالك
لا هدية جايب ولا أموال
ورح قلك لك دغري
أحوالي ما بتغري
ورثوني المكنسة وطلعت زبال
وإذا بيني وبين المحامي
شغلة ما بدا سؤال
وعلى كل على كل حال
يعني بكل الأحوال
على كل على كل حال
يعني بكل الأحوال
ممنون أنا لأبوكي
ممنون ع الإستقبال
قلتلو ساكن خلف العمارة
لا هي تخشيبة ولا عرزال
بغسِّل ع إيدي وبنشر بالحارة
لا فريزر جايب ولا غسال
عندي صوفا صغيرة
فيها تصفي كبيرة
تقدر تستعملها بكل الأشكال
هيدا المحامي منين نبَّت
لا عالخاطر ولا عالبال
وعلى كل على كل حال
يعني بكل الأحوال
على كل على كل حال
يعني بكل الأحوال
ممنون أنا يا عمي
ممنون ع الإستقبال
مربى الدلال ربوكي
واتعذبوا فيكي يا دلال
ورحنا نكلم ابوكي
ويا ريتك كنتي
وشفتي شو قال ابوكي
وعلى كل على كل حال
يعني بكل الأحوال
على كل على كل حال
يعني بكل الأحوال
ممنون أنا لأبوكي
ممنون ع الإستقبال
كلمات أغنية مربى الدلال
كلمات: زياد الرحباني
ألحان: زياد الرحباني
غناء: جوزيف صقر