اسلام كابونجا - كلمات اغنية لسه مجاش اللي نخاف منو
أيوة ولا في زينا ولا في قدنا
بس انتو واكلاكو مننا
ما تعملوش معلمين
بفلوس المدمنين
عشان انتو مكشوحين
وواخدين ع العين
احنا الوحوش والكل يهيبنا
سهل تلاعبنا صعب تكسبنا
لسه ما جاش اللي نخاف منه
ولا حد فيكو عارف يحاربنا
اللي بيجي معانا بنهينه
تمامكو كرف تمامنا عارفينه
احنا الأسود احنا كسرناكو
وانتو كلاب جيرمن ومالينو
اسمعوا اللي يطير هنا بنوقعه
لما تشوفونا لازم ترجعوا
نزلوا إزاز ودانكو اسمعوا
تكرفوا هتموتوا
تتخطروا هتيجوا ساحبين تتعوروا
أي بطل تلفين منظره
اللي يجي معانا بنكسره
وبنكتموله صوته
قلنا الدخيلة أرض عشقناها
أرض الجلب بتخافوا منها
المتميز حسن الفلاح
أخويا ده الورقة الكسبانة
مصطفى حجازية اسمه كفيل بيكو
لو شال سلاح لازم يجريكو
مع أي بطل بقلب نروحوا
كاتمين نفسكو كسرنا أساميكو
كلها شالت سلاح عوجت بقها
دي عيال وبتنام على وشها
ما شفتش أنا إجرام منها
تكريت وطيران
فككو من اللي مجمدلكو قلبكو
نتن أوي وشبهكو زيكو
يا اللي الكلام عليكم كلكو
اسمعوا يا خرفان
سوق الصحاب ما فيهوش ناس سالكة
عايز صحابك شغل الفركة
بس تقول ساحب بتعارك
هتلاقي نفسك وبس في العركة
آه من العيون الراشقة في حياتي
شافوني ميت قالوا موت عادي
للدرجة دي قلوبكم جاحدة
أيوة الكلام عليكم يا إخواتي
هديكو والكشافات نازلة على عينيكو
اسمي لازم يكسر أساميكو
يا معلمين ع اللي حواليكو
عليا مش واكلة
كلكو أبطال وحمل على أرضكو
بس أنا مش شايف فعلكو
كاتم نفسكو بحددلكو
ومفنش الشغلة
ومفنش الشغلة
اخوات وصعب تلاقي زينا
بنحب بعض هنا بجدعنة
بنزعلوا ونخافوا على بعض
ما فيش غريب بيجي وسطنا
تسأل علينا هيقولوا خاف منهم
اوعى تخاف لو يوم بقيت منهم
اللي معاهم يمشي بحصانة
والكسرة يابا للي خصمهم
قطتي حبيبتي اللي لبست دبلتي
خلاص بقت بتاعة حضرتي
إدلعي براحتك أمزتي
بقيتي في حمايتي
بحبها وعندي بالدنيا دي كلها
هشيل عينك لو بصيتلها
بنوتي بت ما فيش منها
العسولة بتاعتي
سمعنا عنكو بس في مواقع
بس ما شفناش حاجة في الواقع
على اللايف عاملينلي عتاولة
بتبقوا زي حريمكو في الشارع
ده انتو بقيتوا الخيبة ماسكاكو
عشان أسد بيلم الكام باكو
قاعدين تقولوا شيروا كبسوا
تبدأ الجولة الغل يملاكو
طب خد كله بقى بيسحب وينط
الشارع ببجي بالظبط
ناقص تنزلوا ببراشوت
مالكو يا عريكة
صبيان وعملوا معلمين جدعان
جراوي طاروا في المهرجان
سلاح حامي والقلب جبان
إنتو عيال كيكة
كلمات أغنية لسه مجاش اللي نخاف منو
غناء : اسلام كابونجا
كلمات : مانو الجاخد
توزيع : فيجو الدخلاوي