كريم كرستيانو - كله معاك لاجل اللي معاك كلمات

كلمات اغنية كله معاك لاجل اللي معاك - كريم كرستيانو

كله معاك لأجل اللي معاك
مش حبا فيك ولا لأجل عينيك
لو جيبك فيه كاشات هتلاقي اخوات
وصحاب بالكوم حواليك
‫No عتاب ع اللي خاب
الله خد عادي الله جاب
واللي غاب واللي ساب
بكرة يجي يقف ع الباب

قلبي مات وما ليش اخوات
كلها زي بعضها شكليات
مين في شدة سندني ما حد نجدني
لوحدي أنا في الأزمات
والنصيبة كمان بتقولوا جدعان
لا ده كله كلام إشاعات
كنت مخلص ليكو بس انتو أتاريكو
عيال صيني مش ماركات

صحبة إيه ده الجنيه
هو أبوهم أقول تاني إيه
ليا إيه وعليكو إيه
كله عارف إيه اللي عليه
دول كلاب مش صحاب
والطبق لو واكلين فيه
تنكروه تقلبوه
يا غدارين يا ولاد الإيه

يلا بدأ العرض اوعاك تتخض
انزلي يا عم الدكر
مش عامل شاروخان
طب يلا يا مان
أنا طالبك فرد لفرد
وهكسر بعينيك وهمثل بيك
فيلم الكرنك والأرض
على عتبة بيتكو في وسط جيهتكو
هكون دافنك بالعرض

إبراهيم عبد النبي يابا مش أجنبي
عمره ماكل من مخلوق
إنكشه طب بس هتلاقي النص
كلك من تحت لفوق
أخويا حسام رشدي أبو الغالي رشدي
ده معروف أبو الجدعنة
أخ ليا كبير أخويا أبو التقدير
الحنية وربنا

جبروت وابن موت
ضرب حي ما ليش في الصوت
شكلي كيوت بس أنا حوت
تعاديني هتنام في تابوت
ديب وشارد طبعي بارد
وسط ألف كتيبة بفوت
أيوة جني راعبكو مني
خصمي جوة كفن محطوط

سجن اسمه لومان جواه السجان
حابس أجدع جدعان
حملة كل دقيقة تحط في ضيقة
فارس من الفرسان
يا مرشدين طب هتروحوا فين
ده اللي هندقره منكو هيتهان
حبسكو للأبطال خلّى البطال
في الشارع للخرفان

كل جيلي في حبسة ميري
حبسوا أخويا وحبسوا زميلي
قطموا ضهري وهدولي حيلي
الضيقة فيها كل اللي صافيلي
وحشتوني يا اللي فارقتوني
بعد منكو مين اللي باقيلي
يا اللي كنت سبب حبستهم
يوم ما اشوفك هشفي غليلي

كله معاك لأجل اللي معاك
مش حبا فيك ولا لأجل عينيك
لو جيبك فيه كاشات هتلاقي اخوات
وصحاب بالكوم حواليك
الجيوب تعمر الصحاب تحضر
كلها تتسخر ليك
فوق دي ناس جعانين
شارية القرشين
لا تفكر حد شاريك

‫No عتاب ع اللي خاب
الله خد عادي الله جاب
واللي غاب واللي ساب
بكرة يجي يقف ع الباب
واللي باع لما جاع
للرغيف ما عملش حساب
واللي خان هيتهان
لو في بطن أمه هيتجاب

‫حبي ليكي كادو Baby, I love you
يا جمال رباني على أبوه
خليكي ما تمشيش غيرك انتي ما ليش
من غيرك في حياتي أتوه
نظرة عينك ليا يا نن عينيا
دي عندي بكل الدنيا
انتي قلبي وروحي ويوم ما تروحي
مش هقدر أعيش ولا ثانية

الصراحة ده مجال كان ناقصه غزال
وأنا جيت وثبت وجودي
يوسف أوشا ده فظيع وعليه توزيع
بيجنن أي حقودي
باسم عوض ده قلم البلد
وكلامه ع اللحن ظابط مودي
أبو يحيى والديزل والسني
بيدوسوا على أيها غدودي
دونجا ما تعاديهوش وما تنكشهوش
أصل حكايته على الله
أبو سمرة ده جاحد ورقم واحد
والباقي كله وراه
عند غزالة والمصري هتلاقي الحصري
ما فيش أي مقارنة
إتش آر ميوزك فيها كل جديد
احنا مش بنقلد ياه

كلمات أغنية كله معاك لاجل اللي معاك

مهرجان: كله معاك لأجل اللي معاك
غناء: كريم كرستيانو
كلمات: باسم عوض
توزيع موسيقي: يوسف أوشا