كلمات اغنية كلمة ماما - الاميرة فيروز
حاسّة بإن حاجات ناقصاني
مليون حاجة بقت خانقاني
ماما من يوم ما سابتني لوحدي
ومافيش حاجة بقت بسطاني
دفا حضنها ده بجد ناقصني
صوتها في ودني بجد واحشني
لما أغمض عيني بتشوفها
ما تخيلتش إنها تمشي
كلمة ماما دي كلمة كبيرة
أما أسمعها بحس بغيرة
كلها عندها ماما في حياتها
وأنا ناقصني من مدة طويلة
دنيتي من غيرها بلا قيمة
مش فرحانة من غيرها حزينة
أبسط حاجة في غيابها أذتني
لما يقولوا عليا يتيمة
مين هيصحيني يفطرني
مين ع المدرسة هيوصلني
كل أصحابي ماما تيجي تاخدهم
اللي أنا بابا بيجي ياخدني
عيد الأم بيجي عليا
وأنا مكسورة ودموعي في عينيّا
كله مزقطط في إيده هدية
وأنا بس ناقصني الحنية
كلمة ماما دي كلمة كبيرة
أما أسمعها بحس بغيرة
كلها عندها ماما في حياتها
وأنا ناقصني من مدة طويلة
دنيتي من غيرها بلا قيمة
مش فرحانة من غيرها حزينة
أبسط حاجة في غيابها أذتني
لما يقولوا عليا يتيمة
كلمات أغنية كلمة ماما
غناء: الأميرة فيروز
توزيع : مصطفى السيسي
كلمات وألحان: كاستلو