كلمات اغنية كبيري ربنا - اسلام كابونجا
أيوة هضرب بالطول
هضرب بالعرض
ألعب في الجو ألعب ع الأرض
أنا بتكلم بجد مش بحدف كارت
أفيجو يا دخلاوي
كاريتا بيقولك إبعتهاله من المعمورة
أصيل في عالم خطير ماليش كبير
أنا كبيري ربنا
مطروش شادد وشوش وسلاحي بيلوش
ضربتي مالهاش دوا
مفقود واد ابن موت بلغي وجود
أي حد بمسجنة
ونزيه تتخم فيا تكرف عليا
هعمل وشك جزامة
إلزم حدك لاشد خدك
فديت ضربتك قمت خبطك
خد دمك لو فرصتك جاتلك
ما تبكيش لو تنيت عليك
أنا عارفك بتشيل وتغل
ما شفتش منك رد فعل
خفت تواجهني وجيت تحل
عشان كل جولة أصفيك
كاريتا سيطرة وسلطة في أي حتة
صيتو يشرف بلد
أرض المعمورة الخطرة فيها كاريتا
خمسة عليه من الحسد
حمصة رجولة نادرة في وقت الشدة
عزوة وضهر وسند
حمصة ده قد الدنيا مشرف نفسه
لكن مالوش في الغلط
سهل يحبوا لكن صعب يضحوا
صدق المثل يا زمان
واللي اشتروا غير اللي ربوا
بس الأخصام بنت حرام
خربوها خلوها سلخانة
الكل بقى ع الصيت يا ابويا سعران
أنا عايم في بحر غدر وبحر شر
كله قروش وحيتان
ناس متكادة ياما متغاظة
عاملين فيها رياسة ومريسة
وهما في الأساس دواسة
ما فهمش أي عرق شراسة
عالم خاينة بتحب الغدر
وجم معايا في سكة شر
بس ناسيين إن الصيت صبر
أنا الصياد وانتو الفريسة
العدة مستعدة للجوالات
في أي وقت بنهجم
عصابات بنعمل سطو مسلح
على أخصامنا جوة جيهتهم
قالوا هيجولنا ما جتش معانا
فقمنا بكام كساحة رحنالهم
دارت معركة ودرمغانة
من هجمة احتلينا شوارعهم
همش نفسك وخدلك ركن
ما تعملش إن عندك دم
نصيحة ليك من باب الفهم
افهمني أنا عايزك تفهم
مش كل منحرف اتحبس
والفتونة مش كتم نفس
ده لو رصيد الصبر خلص
هتحول ع الكل وأترجم
الصاحب الجدع دلوقتي رزق
في الزمن ده يا زميلي
وانت أجدع أخ شفته
ضهرك في ضهري
إنت يابا اللي باقيلي
واللي بيجي معاك هصرف معاه
وهسدد أي قواضي
وهفنش في أي حد شيطانه خمه
ومن أخصام اخواتي
وأنا واد طايش لكني عايش
أصل الناس الخايبة الرابش
عايزيني أطلع دايما وحش
طب اوصلوا للي وصلتله
ما فيش حاجة تشفعلكو عندي
قدامي معايا ورايا ضدي
إزاي سلمي معاكو تعدي
طب صدوا قصادي واستحملوا
حبيب أنا واد لعيب بس النصيب
بيصيب قلوب عشاق
يا جمال عين الغزال انتي موال
أنا قلبي ليكي مشتاق
ما تجيبي بوسة خطف عشان أخف
يا بيور على الدواق
بت انتي بحبك موت لو حبك حرب
أنا هكسب السباق
ما تريح حبة يا فزلوكة
وانت شكلك شبه البقبوكة
كلمة تاني هتلبس توكة
أنا لو هنافسك هكسر نفسك
سن الخوجة ده مسنون شوكة
على وش المرشد مفروكة
ده ذنب جيت أمام سكات
بتقضي عقوبة على حسك
في المعمورة الرجولة النادرة
فارس اسكندرية كاريتا
كاريتا مشرف أي حته
ريس على أي وزير
حمصة أفعاله شاهداله
واخد وضعه وظابط حاله
ما تجوش مع حمصة تتخطروا
عشان بيكره التخطير
الفرود أحمد ميسو عيد
سندال وقت الشدة سداد
أحمد ميسو يتفاتله بلاد
إسمه لوحده يساوي مجال
يا رب فك عليه الضيقة
وحشنا لمبة ابو فريدة
هيرجع وزير السعادة
احنا كلنا على انتظار
اسلام كابونجا ده الدبابة
فيجو الدخلاوي هو البابا
ديشا المصري وحش الكتابة
تلاتة ع الكوكب عصابة
يوسف القناص ولمبادا
ودولسيكا أعلى إدارة
العجمي دايما في الصدارة
احنا النزاهة والجنتلة
كلمات أغنية كبيري ربنا
غناء: إسلام كابونجا
كلمات: مانو الجاحد
توزيع موسيقي: فيجو الدخلاوي