كلمات اغنية كزدورة عالاردن - زياد صالح
تعا كزدورة معي
عالاردن يلا معي
بتعشقها من دون وعي
شعبها بيتميّز بالعفوية
فيها أماكن سحرية
منزور البترا الوردية
وبالعقبة شط وميّه
محلا جوها بالصيفية
منميل ع وادي رم
نخيّم فيّو ونلتم
وأول ما الدنيا تعتم
بدل النجمة تلاقي مية
ياللي منحبّه معنا منجيبه
نطلع سوا على جبل نيبو
نشوف الفن وترتيبه
وزخرفاته الفسيفسائية
زايرنا يا مرحبا به
هو بين اهله واحبابه
الأردن فاتح بوابه
لضيوف الهاشمية
البحر الميت يلا نشوف
في شي كتير عنه معروف
ملح وطين للكل موصوف
بترجع شب وانتي صبية
أكيد ما مننسى نزور الشمال
ونشوف روعة هالجبال
عجلون هي شي من الخيال
مناظر حلوة طبيعية
وجرش للفرح عنوان
كل سنة فيها مهرجان
يتمنى اي فنان
فيها يغني لو غنية
ومننزل ع وسط البلد
من الجد لولد الولد
جبل القلعة فيها شهد
تاريخ وحضارة حية
هاي الأردن الأبية
النخوة والشهامة هية
كلنا فخر وبنفتخر
بكل نشمي فينا ونشمية
ما في أطيب من شعبها
ريته يسلملي قلبها
من بين كل الأوطان
ما أختار إلا هيا
ياللي منحبّه معنا منجيبه
نطلع سوا على جبل نيبو
نشوف الفن وترتيبه
وزخرفاته الفسيفسائية
زايرنا يا مرحبا به
هو بين اهله واحبابه
الأردن فاتح بوابه
لضيوف الهاشمية
كلمات أغنية كزدورة عالاردن
كلمات: محمد شاكر وأسامة نابر
ألحان: أسامة نابر وزياد صالح
توزيع موسيقي: أسامة نابر
ميكس وماستر: محمد القيسي