كلمات اغنية الشهم - حوده بندق
ليه أهتم بواحدة ما عندهاش دم
وأجيب ورد وأخد سم
كفاية يا قلبي إتلم
بلاش منها
أنا الشهم اللي مات غدر
بـ ٢٠٠ سهم
صحابه أكلوه الوهم
وكان طيب ناقص فهم
وشاف الموت
فقد حسه
وعاش نصه ومات نصه
ما حدش غيره هيخصه
يا ريتهم باللي بيه حسوا
ده قالوا مبسوط
مجروح علشان
دمعكو ما هانش ودمعي أنا هان
وبنام زعلان
وما خنتش حد لكن بتخان
طب ما أنا انسان
جايب آخره وجوايا بركان
ودموعي بتبان
بتسيل من عيني زي الفيضان
ليه هتكلم كفاية عليا اتألم
وجرح الدنيا بيعلم
ما خلاش قلبي يستسلم
ده قواني
فقررت إني أنا ألتزم الصمت
بعيط جوايا انهارت
عشان بإيديا أنا اخترت
ناس أذياني
أذيتوني أنا ليه
هو ما فيش غيري بتيجوا عليه
وعملت أنا إيه
ده أنا انسان فيه اللي مكفيه
جرحي أنا بداويه
بيجيلي جراح تانيين بعديه
وجعي بخبيه
لكن بيبان ما أعرفش أداريه
أوضة همي في ضلمة كإني متغمي
براجع ذكريات فيلمي
في حضنك هترمي يا أمي
وهبكي سنين
أنا وقلبي
ما حدش غيري كان جنبي
ما ليش غير الوجع صاحبي
ما حدش اتوجع قدي
بجد حزين
آه حزين وكئيب
بس ما أبينش علشان العيب
مع إنه نصيب
بس الناس شايفة بقى إني غريب
إكمني وحيد
بقوا بيقولوا عليا إني مريض
ده أنا عشت بعيد
أحسن من ناس بتعض الإيد
ليه أهتم بواحدة ما عندهاش دم
وأجيب ورد وأخد سم
كفاية يا قلبي إتلم
بلاش منها
دي أنانية مريضة بجد نفسية
توكسيك دي بت المؤذية
لازم ننهي العلاقة ديا
وأبعد عنها
كارهك ويا ريت
ما نزلت معاكي بجد الديت
أنا استغبيت
وبلوم نفسي إن أنا حبيت
أنا استكفيت
واستحملتك ياما وعديت
دلوقتي بقيت
عايزك تنسيني عشان أنا نسيت
دلوقتي بقيت
عايزك تنسيني عشان أنا نسيت
كلمات أغنية الشهم
كلمات وألحان: أحمد حمتو
توزيع: كيمو الديب