كلمات قصيدة اجيتك باربعينك - مسلم الوائلي

الك رديت خويه وراسك وياي
أجيت وجايبتلك ضيم دنياي

اجيت من الخرايب والدواواين
ارجع راسك الجسمك يالحسين
أجيت وضهري مايل من وره الشام
أجيت وتنعه وياي النساوين
أجيت وشابجه العشره على خوتي
اجيت من البجي مبحوح صوتي
ياخويه مفاركتكم صارلي هواي

الك رديت خويه وراسك وياي
أجيت وجايبتلك ضيم دنياي

أجيت اتمايل ويَ امايل النوك
ياحسين الهزل مو الختك اتلوك
صدك ثاريه هاي الدنيا ايام
مره بيت اهلنه ومره بالسوك
اجيتك وضعن ناقص سبيه
دفنوها بخرايبهم رقيه
ماتت فوك راسك اه يا بلواي

الك رديت خويه وراسك وياي
أجيت وجايبتلك ضيم دنياي

اجيتك باربعينك والعبي التراب
كبرك جان لاشباج لاباب
تيّهت الدرب چي عميه العيون
ماشوفن كمت من ضيم الغياب
اجيت وماشفت كبه جبيره
توه حسين ملموم بحصيره
اجيتك حتى اسوي من العبي فياي

الك رديت خويه وراسك وياي
أجيت وجايبتلك ضيم دنياي

تلتم على ضريح بكربله الناس
چنت اتمنى اعيشن هاذه الاحساس
كون اتشمه مابين الضريحين
واكعد ساعه يم شباج عباس
كون يلوحني فياي المناره
واصليلك ركعتين الزياره
واشربك من اشوفنن وزعوا ماي

الك رديت خويه وراسك وياي
أجيت وجايبتلك ضيم دنياي

اجيت وراح اودعكم ياحنان
يكبار السلف يشيوخ عدنان
راح تضل وراكم وحشه البيوت
ماينراد بيت بلايهَ خوان
عمت عين الوكت عني خذاكم
راح تموت زينبكم وراكم
عني الراد ينشد قصتي هاي

كلمات قصيدة اجيتك باربعينك

قصيدة : اجيتك باربعينك
أداء : مسلم الوائلي
كلمات : محمد الموسوي