كلمات اغنية دفتر الايام - محمد سلطان
دفتر الأيام اتملى بمواضيع
ناس تدوس على ناس
ناس تخون وتبيع
حظ أي كلام جاي مع المقاطيع
والأصيل معروض في المزاد للبيع
يا دنيا إزاي يا دنيا حرام
تعلي الواطي وتخلي الجدع متهان
يا دنيا إزاي يا دنيا حرام
صحيح والله ما تهوني إلا
على الغلبان
دا على رأي اللي قال
هنعيش وياما هنشوف
بقى البجح بيعيش
على قفا المكسوف
دنيا ومعكوس حالها
وكله رايح عكس السير
رايقة مع الأندال وأهي نازلة
في الطيب تكسير
الناقص بيقول على نفسه
أجدع خلق الله
واللي في قلبه الشر بيمشي
يدي دروس في الخير
الخاين بقى ماشي يخون
في الناس الحلوين
واللي ماشيها شمال بيشوه
في اللي بيمشي يمين
واللي عيوب العالم عنده
بيعيب ع الجدعان
أما زمن والله يخلي
العاقلين مجانين
الشاطر نحبطه بكلامنا
وكأننا قاصدين
والخايب لو كح نسقف
واهو بقى من الناجحين
ومفيش حاجة بقت في مكانها
بدلنا الأحوال
احنا خلاص ضايعين وبقينا
أشباه بني آدمين
الزمن دا عجيب ماشي بالمقلوب
النظيف الناس حدِّفوه بالطوب
الصريح مكروه والعوج محبوب
هو فاضل ايه ولا ايه مكتوب
يا دنيا ازاي يا دنيا حرام
حوجتي ابن الأصول للناقص والعويل
يا دنيا ازاي يا دنيا حرام
خلاص الكتف مش قادر يا دنيا يشيل
الحال فعلاً مريب
مش معدول الميزان
ولا تعرف اللي خان
ولا تعرف اللي اتخان
لما الناس كلها مظلومة
طب فين الظالمين
أنا نفسي أعرف مين المؤذي
ولا اللي اتأذى مين
والمعووج بقى ماشي يعدل
عالجدع المظبوط
والكداب تقفشه بيبجح
يحلف ألف يمين
اللي بتستأمنه على سرك
بيذيع الأسرار
واللي سقيته الحلو يضرك
يسقيك هو مرار
واللي تقول عمره ما هيبيعني
بيبيعك في يومين
ما هو سوق العلاقات دلوقتي
بقى عرض وأسعار
مبقاش فيها كبار دلوقتي
كله عيال في عيال
ولا هتعيش مرتاح طول ما انت
ماشي تاكلها حلال
دنيا يمينها شمال ومهازل
وبلاوي وإسفاف
اه عايزين معجزة والله
نعدل بيها الحال
كلمات أغنية دفتر الايام
الحان وغناء : محمد سلطان
كلمات : احمد غريب
توزيع : طه الحكيم