كلمات اغنية كاش كاش - جنات وزكرياء الغفولي
جاني من ثاني من بعد الغيبة ونساني
ولعبها كبير تحداني عاد جا كيسول فيا
يطبطب ويدادي ماقدرش في يوم على بعادي
وأنايا الحركات هادي والله ماتخفاش عليا
شكون اللي نساكي وأنا عقلي ديما غي معاكي
غير تيقي بيا مزال راكي فقلبي وعيني نتيا
هواك محمقني معذبني ومسهر عيني
الحب اللي بينك وبيني والله مايهونش عليا
اسامح لا لا اعاتب اه اه
هو اللي دارها بيديه ويخلص كاش كاش
انخاصم اه اه انخليك لا لا
أنا اللي حبو قلبي والله مانتفك معاه
اسامح اخاصم لا لا لا لا
راجع قال طامع ننسا اللي فات ونتواضع
واتق من نفسو مقتانع وبغا يأثر فيا
وأنايا فدستوري معنادة وراكبني غروري
نغنيلك باي باي امسوري سير وماتوليش ليا
كذبو عليك قالو في بعدك زاهية وتحلالو
وانايا الدنيا كيف والو بلا بيك الظلام متيه
وقرب يامعذب قلبي ومخليني نجرب العذاب
والنوم مني مهرب غير حني وعطفي شويا
اسامح لا لا اعاتب اه اه
هو اللي دارها بيديه ويخلص كاش كاش
انخاصم اه اه انخليك لا لا
أنا اللي حبو قلبي والله مانتفك معاه
اسامح اخاصم لا لا لا لا
وعلاش نضيع عمري مابين حسرا ودموع
صافي قلبي سديتو للحب ماكاين رجوع
ننسا أنا ونسامح فقاموسي ممنوع
ساليت انا ونتايا سالا هاد الموضوع
تيقي بيا ياعمري راني مازال نبغيك
هادوك غير العديان اللي حسدوني فيك
انتي وحدك فقلبي ما كاين اللي تشريه
تكوني فآخر الدنيا نطير بجناحي ونجيك
اسامح لا لا اعاتب اه اه
هو اللي دارها بيديه ويخلص كاش كاش
انخاصم اه اه انخليك لا لا
أنا اللي حبو قلبي والله مانتفك معاه
اسامح لا لا اعاتب اه اه
هو اللي دارها بيديه ويخلص كاش كاش
انخاصم اه اه انخليك لا لا
أنا اللي حبو قلبي والله مانتفك معاه
كلمات أغنية كاش كاش
كلمات: زكريا الغافولي – يونس آدم
ألحان: زكريا الغافولي
توزيع موسيقي: علاء زيدون