كلمات شيلة الجمر والشوك - صالح ال مانعه
يا سعيد شد الحيل واصمل وانا اخوك
واصبر مثل صبري على جور دنياي
ادري مرضك اتعبك والناس بكوك
واللي تجيب اقصاك ما جابت اقصاي
تعبان لو تاطا على الجمر والشوك
بلواك والله ما تجي ربع بلواي
تعال دام ان كل مشروك مبروك
شاركتني بلواي شاركني الراي
خله يزيد الحمل وجماله بروك
وخلنا نعيش اليوم لا نرقب الجاي
اللي يجي من فعل الأقدار مبروك
واللي غدت به جعله افداك وافداي
الناس لو تملك ملايين وصكوك
في يدينها ماتملك دواك ودواي
اذا ماحصلت المضرة ما سروك
بشر ضعيفه كنها اياك واياي
خلهم يشوفونا على مزح وضحوك
وش نستفيد ان سمعو بكاك وابكاي
امك الى منها رضت عنك وابوك
باقي البشر ما همها رضاك ورضاي
أهم شي المعنوية وانا اخوك
وباقي الدعاوي جعلها افداك وافداي
كلمات شيلة الجمر والشوك
كلمات : د. حمد بن جروان
ألحان وأداء : صالح ال مانعه